പുതിയ സബ് ആർടി ഓഫിസുകൾക്കായി രജിസ്ട്രേഷന്‍ കോഡുകള്‍ അനുവദിച്ചു

തിരുവനന്തപുരം: സംസ്ഥാനത്ത് പുതിയതായി ആരംഭിക്കുന്ന സബ് ആർടി ഓഫിസുകൾക്കായി രജിസ്ട്രേഷന്‍ കോഡുകള്‍ അനുവദിച്ചു. വാഹനങ്ങളുടെ രജിസ്ട്രേഷൻ കോഡുകളിൽ ആറെണ്ണമാണ് പുതിയതായി എത്തുന്നത്.

കെഎൽ 74 മുതൽ കെഎൽ 79 വരെയാണ് പുതിയതായി അനുവദിച്ചിരിക്കുന്നത് . കാട്ടാക്കട 74, തൃപ്പയാർ 75, നന്മണ്ട 76, പേരാമ്പ്ര 77, ഇരിട്ടി 78, വെള്ളരിക്കുണ്ട് 79 എന്നിങ്ങനെയാണു പുതിയ കോഡുകൾ. ഈ ആറിടങ്ങളിൽ പുതിയ സബ് ആർടി ഓഫിസുകൾ ആരംഭിക്കാൻ കഴിഞ്ഞ ഫെബ്രുവരിയിൽ സർക്കാർ തീരുമാനിച്ചിരുന്നു.

Read also:അലമാരയില്‍ അഴുകിയ നിലയില്‍ യുവതിയുടെ മൃതദേഹം; ദുരൂഹ സംഭവം ഇങ്ങനെ

നിലവില്‍ കെഎൽ 01 മുതൽ കെഎൽ 73 വരെയാണ് 17 ആർടി ഓഫിസുകൾക്കും 61 സബ് ആർടി ഓഫിസുകൾക്കുമായി നൽകിയിട്ടുള്ളത്. കെഎൽ 15 കെഎസ്ആർടിസി ബസുകൾക്കുള്ളതാണ്.

.