മെക്‌സിക്കോ: മെക്‌സിക്കോയില്‍ യാത്രാ വിമാനം തകര്‍ന്ന് വീണു. 101 യാത്രക്കാര്‍ അത്ഭുതകരമായി രക്ഷപ്പെട്ടു. ചിലര്‍ക്ക് പരിക്കേറ്റിട്ടുണ്ട്. 97 യാത്രക്കാരും നാല് ജീവനക്കാരുമാണ് വിമാനത്തിലുണ്ടായിരുന്നത്.
മെക്‌സിക്കന്‍ പ്രാദേശിക സമയം നാല് മണിയോടെയായിരുന്നു അപകടം. എയ്‌റോ മെക്‌സിക്കോയുടെ കീഴിലുള്ള എംബ്രയെര്‍ ജെറ്റ് വിമാനമാണ് അപകടത്തില്‍ പെട്ടത്. ദുരാംഗോയില്‍ നിന്ന് പറന്നുയര്‍ന്ന വിമാനം തകര്‍ന്നയുടന്‍ തീപിടിച്ചു. ഭാഗികമായി മാത്രം കത്തിനശിച്ചതിനാല്‍ വന്‍ ദുരന്തം ഒഴിവായി. പലര്‍ക്കും പൊള്ളലേറ്റിട്ടുണ്ടങ്കിലും ഉടന്‍ തന്നെ രക്ഷാപ്രവര്‍ത്തനം ആരംഭിക്കാനായത് ആശ്വാസമായി. വിമാനം തകരാനുള്ള കാരണം വ്യക്തമായിട്ടില്ല.
Also read : ട്രെയിൻ യാത്രക്കാരനെ കൊള്ളയടിച്ച ഇതര സംസ്ഥാന തൊഴിലാളി അറസ്റ്റിൽ
Post Your Comments