ഏഴുവയസുകാരിയെ പീഡിപ്പിച്ചു കൊലപ്പെടുത്തിയ യുവാവ് അറസ്റ്റില്‍

കോട്ട: ഏഴുവയസുകാരിയെ പീഡിപ്പിച്ചു കൊലപ്പെടുത്തിയ യുവാവ് അറസ്റ്റില്‍. രാജസ്ഥാനിലെ ജാലാവാര്‍ ജില്ലയില്‍ ഏഴുവയസുകാരിയെ മാനഭംഗം ചെയ്തു കൊലപ്പെടുത്തിയ കേസിലാണ് കാമള്‍ ലോധ(25) എന്നയാളെ പോലീസ് അറസ്റ്റ് ചെയ്തത്. മോഗിയാഭിയ വില്ലേജില്‍നിന്നു വെള്ളിയാഴ്ചയാണ് പെണ്‍കുട്ടിയെ കാണാതായത്. വീടിനു സമീപം കളിച്ചുകൊണ്ടിരുന്ന പെണ്‍കുട്ടിയെയാണു കാണാതായത്.

Also Read : അമ്മ കുളിക്കുന്നത് ഒളിഞ്ഞ് നോക്കി, സുഹൃത്തിനെ യുവാവ് കഴുത്തറുത്ത് കൊലപ്പെടുത്തി

പെണ്‍കുട്ടിയുടെ കഴുത്തില്‍ മുറിവേറ്റ പാടുണ്ടായിരുന്നു. പെണ്‍കുട്ടിയെ യുവാവ് ബലമായി പിടിച്ചുകൊണ്ടു പോയി പീഡിപ്പിക്കുകയും കരഞ്ഞ് ബഹളം വച്ചപ്പോള്‍ ശ്വാസം മുട്ടിച്ചു കൊലപ്പെടുത്തുകയായിരുന്നുവെന്ന് പോലീസ് സൂപ്രണ്ട് ആനന്ദ് ശര്‍മ പറഞ്ഞു. കാണാതായ പെണ്‍കുട്ടിയുടെ മൃതദേഹം ശനിയാഴ്ചയാണ് കുറച്ചകലെയുള്ള മൈതാനത്തുനിന്നാണ് കണ്ടെത്തിയത്.