വെള്ളക്കെട്ടില്‍ പെട്ടുപോയ പിഞ്ചുകുഞ്ഞ് : ഭക്ഷണമില്ലാതെ പേടിച്ച് കരഞ്ഞു തളർന്ന കുഞ്ഞിനെ ചേർത്തു പിടിച്ച് രക്ഷാ പ്രവർത്തകർ ( വീഡിയോ )

ലാവോസ്: തായ് ഫുട് ബോൾ ടീം അംഗങ്ങളെ രക്ഷപ്പെടുത്തിയ വീഡിയോയ്ക്ക് പിന്നാലെ മാസങ്ങള്‍ പ്രായമുള്ള ഒരു കുഞ്ഞിനെ രക്ഷിക്കുന്നതിന്റെ വീഡിയോ ആണ് ശ്രദ്ധിക്കപ്പെടുന്നത്.കനത്ത മഴയില്‍ ലാവോസ് ഡാം തകര്‍ന്നതിനെ തുടര്‍ന്നുണ്ടായ അപകടത്തിലാണ് സംഘം തുണയായത്. രക്ഷാപ്രവര്‍ത്തനത്തിനിടെ വെള്ളക്കെട്ടില്‍ പെട്ടുപോയ കുഞ്ഞിനെ കണ്ടെത്തിയ സംഘം, ശക്തിയായ ഒഴുക്കില്‍ നിന്നുകൊണ്ട് സൂക്ഷ്മതയോടെ കുഞ്ഞിനെ കൈമാറുന്നതാണ് വീഡിയോ.

ഭക്ഷണമില്ലാതെയും പേടിച്ചും കരഞ്ഞുകൊണ്ടിരിക്കുന്ന കുഞ്ഞിനെ അടക്കിപ്പിടിച്ച് നടന്നുവന്ന രക്ഷാപ്രവര്‍ത്തകരോട് നന്ദി പറയുന്ന കുഞ്ഞിന്റെ അമ്മയേയും വീഡിയോയില്‍ കാണാം. ലാവോസ് ഡാം തകര്‍ന്നതിനെ തുടര്‍ന്നുണ്ടായ വെള്ളപ്പൊക്കത്തില്‍ നൂറിലധികം പേരെ കാണാതായി. ഇരുപതു മൃതദേഹങ്ങൾ കണ്ടെടുത്തു. രക്ഷാ പ്രവർത്തനങ്ങൾ തുടരുകയാണ്. വീഡിയോ കാണാം: