ബാല്ലിയ(ഉത്തര്‍പ്രദേശ്): കുട്ടികള്‍ ദൈവത്തിന്റെ പ്രസാദമാണെന്നും ഒരു കുടുംബത്തില്‍ കുറഞ്ഞത് അഞ്ച് കുട്ടികളെങ്കിലും വേണമെന്ന് ബിജെപി.എംഎ‍ല്‍എ. ഉത്തര്‍പ്രദേശിലെ ബല്ലിയ ജില്ലയില്‍ നിന്നുള്ള എംഎല്‍എയാണ് സുരേന്ദ്ര സിങ്. കുഞ്ഞുങ്ങള്‍ ദൈവത്തില്‍ നിന്നും ലഭിക്കുന്ന പ്രസാദമാണ്. ഇന്ത്യയില്‍ ഹിന്ദുക്കളുടെ ജനസംഖ്യ വര്‍ധിക്കുന്നതിന് ഇത് ഇനിവാര്യമാണെന്നും സുരേന്ദ്ര സിംഗ് കൂട്ടിച്ചേര്‍ത്തു.
എഎന്‍ഐക്ക് അനുവദിച്ച അഭിമുഖത്തിലാണ് സിംഗ് ഇക്കാര്യം പറഞ്ഞത്.കുഞ്ഞിന് ജന്മം നല്‍കുക എന്നത് ദൈവത്തില്‍ നിന്നുള്ള പ്രസാദമാണ്. ഇന്ത്യ ശക്തമാകണമെങ്കില്‍ ഹിന്ദുക്കള്‍ ശക്തരാകണം. ഹിന്ദു ബലഹീനമാകുന്നിടത്ത് രാജ്യവും ബലഹീനമാകുമെന്നും അഭിമുഖത്തിനിടെ സുരേന്ദ്ര സിങ് കൂട്ടിച്ചേര്‍ത്തു.
എല്ലാ ആത്മീയ നേതാക്കളുടേയും ആഗ്രഹമാണ് ഓരോ ദമ്പതികള്‍ക്കും കുറഞ്ഞത് അഞ്ച് കുട്ടികളെങ്കിലും ഉണ്ടാകുകയെന്നത്. ഈ മാര്‍ഗത്തിലൂടെ ജനസംഖ്യയെ വരുതിയില്‍ നിര്‍ത്താനാവും. ഹിന്ദുത്വയെ കോട്ടംതട്ടാതെ കാക്കുന്നതിനും സാധിക്കുമെന്നും അദ്ദേഹം പറഞ്ഞു.
Post Your Comments