ഉദ്യോഗാർഥികളുടെ ശ്രദ്ധയ്ക്ക് : കേന്ദ്രസേനകളിൽ അവസരം

കേന്ദ്ര പോലീസ് സേനകളില്‍ അവസരം. ബി.എസ്.എഫ്, സി.ഐ.എസ്.എഫ്, സി.ആര്‍.പി.എഫ്, ഐ.ടി.ബി.പി, എസ്.എസ്.ബി, എന്‍.ഐ.എ, എസ്.എസ്.എഫ് എന്നിവയിലെ കോണ്‍സ്റ്റബിള്‍ (ജനറല്‍ ഡ്യൂട്ടി) തസ്തികയിലേക്കും,അസം റൈഫിള്‍സിലെ റൈഫിള്‍മാന്‍ (ജനറല്‍ ഡ്യൂട്ടി) തസ്തികയിലേക്കും അപേക്ഷ ക്ഷണിച്ച് സ്റ്റാഫ് സെലക്ഷന്‍ കമ്മിഷന്‍. 54,953 ഒഴിവുകളാണുള്ളത്. ഇതിൽ 7646 ഒഴിവുകള്‍ വനിതകള്‍ക്കായി മാറ്റി വെച്ചിരിക്കുന്നു.

കംപ്യൂട്ടര്‍ അധിഷ്ഠിത പരീക്ഷ, ശാരീകക്ഷമതാപരീക്ഷ, ശാരീരികശേഷി പരിശോധന, മെഡിക്കല്‍ പരിശോധന എന്നിവയിലൂടെയാണ് അനുയോജ്യരായ ഉദ്യോഗാർത്ഥികളെ തിരഞ്ഞെടുക്കുക.

തിരുവനന്തപുരം (സെന്റര്‍ കോഡ് 9211), കൊച്ചി (സെന്റര്‍ കോഡ് 9204), തൃശ്ശൂര്‍ (സെന്റര്‍ കോഡ് 9212), കോഴിക്കോട് (സെന്റര്‍ കോഡ് 9206) എന്നി ജില്ലകളാണ് കേരളത്തിലെ കംപ്യൂട്ടര്‍ അധിഷ്ഠിത പരീക്ഷ കേന്ദ്രങ്ങൾ.

വിശദ വിവരങ്ങൾക്കും ഓൺലൈൻ അപേക്ഷക്കും ഇവിടെ ക്ലിക്ക് ചെയുക

അവസാന തീയതി : ഓഗസ്റ്റ് 20