ദുബായ് : ദുബായില്‍ 13 വയസുള്ള സ്വദേശി പെണ്‍കുട്ടിയെ സൂപ്പര്‍മാര്‍ക്കറ്റിനുള്ളില്‍ വെച്ച് പീഡിപ്പിച്ചതായി പരാതി. പരാതിയുടെ അടിസ്ഥാനത്തില്‍ 24 വയസുള്ള ഇന്ത്യക്കാരനായ യുവാവിനെ ദുബായ് പൊലീസ് അറസ്റ്റ് ചെയ്തു. ഷോപ്പിംഗ് സ്റ്റോറിന്റെ ഇടനാഴിയില്‍ വെച്ച് യുവാവ് പെണ്‍കുട്ടിയെ കെട്ടിപിടിക്കുകയും സഭ്യമല്ലാത്ത രീതിയില്‍ പെണ്‍കുട്ടിയെ ശരീരത്തില്‍ തൊടുകയും ചെയ്തു. മെയ് 26 നി വൈകീട്ട് 5 മണിയ്ക്കാണ് സംഭവം നടക്കുന്നത്. പെണ്‍കുട്ടിയെ അപമാനിക്കുന്ന രംഗം കണ്ടുവന്ന പെണ്‍കുട്ടിയുടെ മാതാവ് ഉടന്‍ പൊലീസിനെ വിളിക്കുകയായിരുന്നു. മാത്രമല്ല സൂപ്പര്‍മാര്‍ക്കറ്റിലെ അഡ്മിനിസ്‌ട്രേറ്ററോട് അവിടെ സംഭവിച്ച കാര്യങ്ങള്‍ പറയുകയും ചെയ്തു.
read also : യു.എ.ഇ നിവാസികള്‍ക്ക് ഒരു സന്തോഷ വാര്‍ത്ത: അഞ്ച് ദിവസം തുടര്‍ച്ചായി അവധി കിട്ടിയേക്കും
തുടര്‍ന്ന് ഷോപ്പിലെ സിസി ടിവി കാമറാ ദൃശ്യങ്ങളെടുക്കാന്‍ അവര്‍ ആവശ്യപ്പെടുകയായിരുന്നു. സിസി ടിവി ദൃശ്യത്തില്‍ യുവാവ് പെണ്‍കുട്ടിയെ അപമാനിക്കുന്നതിന്റെ ദൃശ്യങ്ങള്‍ കാണാന്‍ കഴിഞ്ഞു. ഈ ദൃശ്യങ്ങള്‍ പൊലീസിനും അവര്‍ കൈമാറി. തുടര്‍ന്ന് ദുബായ് പൊലീസ് യുവാവിനെ അറസ്റ്റ് ചെയ്തു.
Post Your Comments