ലോകകപ്പ് ഫുട്ബോൾ; ആരാധകർക്ക് നിർദേശവുമായി ഖത്തർ എയർവേയ്‌സ്

ദോഹ: 2022ലെ ലോകകപ്പ് ഫുട്ബോൾ കാണാനാഗ്രഹിക്കുന്നവർക്ക് നിർദേശവുമായി ഖത്തർ എയർവേയ്‌സ്. മറ്റ് എയർലൈനുകൾ നിരക്ക് ഗണ്യമായി ഉയർത്താൻ സാധ്യതയുള്ളതിനാൽ ഫുട്‍ബോൾ കാണാനാഗ്രഹിക്കുന്നവർ രണ്ടു വർഷം മുൻപു തന്നെ വിമാന ടിക്കറ്റുകൾ ബുക്ക് ചെയ്യണമെന്നു ഖത്തർ എയർവേസ് സിഇഒ അക്ബർ അൽ ബേക്കർ അറിയിച്ചു.

Read Also: സുപ്രധാന നേട്ടം കൈവരിച്ച് ഖത്തർ എയർവേയ്‌സ്

ലോകകപ്പ് യാത്രക്കാർക്കു വേണ്ടി ഖത്തർ എയർവേസിന്റെ സീറ്റുകളിൽ ഭൂരിഭാഗവും നീക്കിവയ്ക്കേണ്ടി വരുന്ന സാഹചര്യം മുതലെടുക്കാൻ മറ്റ് എയർലൈനുകൾ ശ്രമിക്കുമെന്നും അക്ബർ അൽ ബേക്കർ പറയുകയുണ്ടായി. ഖത്തർ എയർവേസ് ഫിഫയുടെ ഒഫീഷ്യൽ എയർലൈനാണ്. അതുകൊണ്ടു തന്നെ ഫിഫയുമായി ഖത്തർ എയർവേസിനുള്ള പ്രതിബദ്ധത മുതലെടുക്കാനും കാര്യമായി നിരക്ക് ഉയർത്താനും മറ്റ് എയർലൈനുകൾ ശ്രമിക്കുമെന്നാണ് സൂചന.