യു.എ.ഇ ദിര്‍ഹത്തിനെതിരെ ഇന്ത്യന്‍ രൂപ ചരിത്രത്തിലെ ഏറ്റവും താഴ്ന്നനിലയില്‍

ദുബായ്•യു.എ.ഇ ദിര്‍ഹത്തിനെതിരെ ഇന്ത്യന്‍ രൂപ ചരിത്രത്തിലെ ഏറ്റവും താഴ്ന്നനിലയിലെത്തി. ഇന്ന് വ്യാപാരം തുടങ്ങി ഒരു ഘടത്തില്‍ ദിര്‍ഹത്തിനെതിരെ 18.83 വരെയെത്തിയ ഇന്ത്യന്‍ രൂപ 18.82 ആണ് വ്യാപാരം അവസാനിപ്പിച്ചത്.

ഡോളറിനെതിരെയും ഇന്ത്യന്‍ രൂപ ചരിത്രത്തിലെ ഏറ്റവും താഴ്ന്ന നിലയിലെത്തി. 69.14 വരെയെത്തിയ ശേഷം 69.09 നാണ് വ്യാപാരം അവസാനിപ്പിച്ചത്.

ജൂണ്‍ അവസാനവാരം ഡോളറിനെതിരെ എക്കാലത്തെയും താഴ്ന്ന നിലയായ 69.10 ല്‍ എത്തിയിരുന്നുവെങ്കിലും പിന്നീട് 68.93 ലേക്ക് തിരിച്ചുകയറിയിരുന്നു.