വി​ദ്യാ​ർ​ഥി കു​ഴ​ഞ്ഞു​വീ​ണ് മ​രി​ച്ചു; സംഭവത്തിൽ ദുരൂഹത

കൊട്ടാരക്കര : വി​ദ്യാ​ർ​ഥി കു​ഴ​ഞ്ഞു​വീ​ണ് മ​രി​ച്ചു. കി​ഴ​ക്കേ ക​ല്ല​ട ഉ​മ്മി​ണി അ​യ്യ​ത്ത് വീ​ട്ടി​ൽ മ​ധു​-സു​നി​ത ദ​മ്പ​തി​ക​ളു​ടെ മ​ക​നും പു​ത്തൂ​ർ ഗ​വ.​ഹ​യ​ർ സെ​ക്ക​ൻ​ഡ​റി സ്കൂ​ളി​ലെ പ​ത്താം ക്ലാ​സ് വി​ദ്യാ​ഥിയുമായ മ​ജീ​ഷ്(15) ആ​ണ് മ​രി​ച്ച​ത്.

പു​ത്തൂ​ർ പ​ഴ​വ​റ​യി​ൽ പ​ട്ടി​ക​ജാ​തി വി​ക​സ​ന വ​കു​പ്പി​ന്‍റെ കീ​ഴി​ലു​ള്ള പ്രീ​മെ​ട്രി​ക് ഹോ​സ്റ്റ​ലി​ൽ താ​മ​സി​ച്ച് പടിക്കുകയായിരുന്ന മ​ജീ​ഷി​ന് മൂന്ന് ദി​വ​സം​ മു​ൻ​പ് സ്കൂ​ളി​ൽ നിന്ന് വീണു പരിക്കേറ്റിരുന്നു. ഹോ​സ്റ്റ​ൽ അ​ധി​കൃ​ത​ർ എ​സ്എ​ൻ പു​രം പ്രാ​ഥ​മി​കാ​രോ​ഗ്യ കേ​ന്ദ്ര​ത്തി​ൽ പ്ര​വേ​ശി​പ്പി​ച്ച് പ്രാഥമിക ചി​കി​ത്സ ന​ൽ​കി. എന്നാൽ കാ​ലി​ന് വേ​ദ​ന കൂ​ടി​യ​പ്പോ​ൾ അ​മ്മ സു​നി​ത​യെ ഹോ​സ്റ്റ​ലി​ൽ വ​രു​ത്തി ഒ​പ്പം​വി​ട്ടു. ശേഷം മകനെ ശാ​സ്താം​കോ​ട്ട താ​ലൂ​ക്ക് ആ​ശു​പ​ത്രി​യി​ലെ​ത്തി​ച്ച ​ശേ​ഷം ഡോ​ക്ട​റു​ടെ നി​ർ​ദേ​ശ​ത്തെ തു​ട​ർ​ന്ന് ജി​ല്ലാ ആ​ശു​പ​ത്രി​യി​ലേ​ക്ക് മാ​റ്റി. തുടർന്ന് ഇന്നലെ 11 മണിയോടെ ജി​ല്ലാ ആ​ശു​പ​ത്രി​യി​ലെ ഓ​ർ​ത്തോ വി​ഭാ​ഗം ഡോ​ക്ട​റെ ക​ണ്ടു. എ​ക്സ്റേ എ​ടു​ത്ത ശേ​ഷം വീ​ണ്ടും ഡോ​ക്ട​റെ കാ​ണാ​ൻ കാ​ത്തി​രു​ന്ന​പ്പോ​ൾ മജീഷ് കുഴഞ്ഞു വീണു മരിക്കുകയായിരുന്നു.

മരണത്തിൽ ദുരൂഹതയുണ്ടെന്ന ആരോപണവുമായി ബന്ധുക്കൾ രംഗത്തെത്തിയതോടെ പു​ത്തൂ​ർ പോ​ലീ​സ് കേ​സെ​ടു​ത്തു. തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ മൃതദേഹം പോ​സ്റ്റു​മോ​ർ​ട്ടം ന​ട​ത്തും. ഇ​തി​നു​ശേ​ഷ​മേ മ​ര​ണ​കാ​ര്യ​ത്തി​ൽ വ്യ​ക്ത​ത കൈ​വ​രി​ക​യു​ള്ളൂ​വെ​ന്ന് പോ​ലീ​സ് അ​റി​യി​ച്ചു.

Also read : വ്യോമസേന വിമാനം തകര്‍ന്നുവീണു; പൈലറ്റ്‌ കൊല്ലപ്പെട്ടു