അബുദാബി: വിമാനയാത്രക്കാർക്കായി പ്രത്യേക വാട്സാപ്പ് സേവനമൊരുക്കി പ്രമുഖ വിമാനകമ്പനിയായ എത്തിഹാദ് എയർവെയ്‌സ്. തങ്ങളുടെ പ്രീമിയം യാത്രക്കാർക്കായാണ് ഈ സൗകര്യം എത്തിഹാദ് ഒരുക്കിയിരിക്കുന്നത്. അബുദാബി അന്തരാഷ്ട്ര വിമാനത്താവളത്തിൽ എത്തിക്കഴിഞ്ഞാൽ യാത്രക്കാർക്ക് ഈ സേവനം ലഭ്യമാകും. എയർവേയ്‌സിന്റെ ഏജന്റുമാരുമായി വാട്സാപ്പിലൂടെ സന്ദേശം അയക്കുന്നത് വഴി ബന്ധപ്പെടാനും വിമാനത്തിന്റെ കാര്യങ്ങൾ സ്വകാര്യമായും വേഗത്തിലും അറിയാനും മറ്റും ഈ സേവനം വളരെയധികം ഉപകാരപ്പെടും.
Also Read: മൊബൈലിൽ ഇന്റർനെറ്റ് ഉപയോഗിക്കാൻ ഈ രാജ്യത്തിന് അനുമതി
ഭാവിയിൽ ഈ സംവിധാനം വികസിപ്പിക്കാനാണ് കമ്പനിയുടെ തീരുമാനം. വാട്സാപ്പിലൂടെ യാത്രക്കാരന് വിമാനത്തിന്റെ സമയവും ടിക്കറ്റ് ഉറപ്പാക്കുന്നതിന്റെ ഓർമ്മപെടുത്തലുകളും മറ്റും വേഗത്തിൽ എത്തിക്കുക എന്നതാണ് ഈ സംവിധാനം വഴി കമ്പനി ഉദ്ദേശിക്കുന്നത്.
Post Your Comments