ന്യൂഡല്‍ഹി: കോര്‍ട് ചേമ്പറില്‍ വനിത വക്കീലിനെ സീനിയര്‍ വക്കീല്‍ ബലാത്സംഗം ചെയ്തു. പടിഞ്ഞാറന്‍ ഡല്‍ഹിയിലുള്ള സാകെറ്റ് കോടതിയിലാണ് സംഭവം. കോര്‍ട് ചേമ്പറിനുള്ളില്‍ വെച്ച് മധ്യപിച്ചെത്തിയ സീനിയര്‍ വക്കീല്‍ തന്നെ കടന്നുപിടിക്കുകയും ലൈംഗികമായി പീഡിപ്പിക്കുകയുമായിരുന്നെന്ന് യുവതി പോലീസില്‍ പരാതി നല്‍കി.
also read: യുവതിയെ കൂട്ട ബലാത്സംഗം ചെയ്ത ശേഷം ക്ഷേത്രത്തിലെ യാഗശാലയില്‍ ഇട്ട് ചുട്ടുകൊന്നു
ഇന്നലെ രാത്രിയാണ് പോലീസിനെ വിളിച്ച് യുവതി പരാതിപ്പെട്ടത്. കോര്‍ട്ട് ചേമ്പറിനുള്ളില്‍ വെച്ച് മുതിര്‍ന്ന വക്കീല്‍ തന്നെ പീഡിപ്പിച്ചുവെന്നായിരുന്നു ഇവരുടെ പരാതി. യുവതിയെ പിന്നീട് വൈദ്യ പരിശോധനയ്ക്ക് വിധേയമാക്കിയതായി പോലീസ് പറഞ്ഞു.
സംഭവം നടന്ന ചേമ്പര്‍ പോലീസ് സീല്‍ ചെയ്തു. ഫോറന്‍സിക് ഉദ്യോഗസ്ഥരും ക്രൈം ടീമും അവിടെയെത്തി അന്വേഷണം നടത്തി. കേസ് റജിസ്റ്റര്‍ ചെയ്യുകയും പ്രതിയെ അറസ്റ്റ് ചെയ്യുകയും ചെയ്തതായി പോലീസ് പറഞ്ഞു. ഇയാള്‍ക്ക് 50 വയസോളം പ്രായമുണ്ട്.
Post Your Comments