ശവപേടകത്തിലിരുന്ന്‌ അച്ഛനെ നോക്കുന്ന കുഞ്ഞ്; കശ്മീരില്‍ വീരമൃത്യു വരിച്ച മുകുതിന്റെ ശവസംസ്‌കാര ചടങ്ങിനിടെ ഹൃദയമുരുക്കുന്ന കാഴ്ചകൾ

ജയ്പുര്‍: അച്ഛന്റെ ശവപേടകത്തിലിരുന്ന്‌ അച്ഛനെ നോക്കുന്ന ആരു എന്ന അഞ്ചു മാസം പ്രായമുള്ള കുഞ്ഞിന്റെ ദൃശ്യമാണ് ഇപ്പോൾ സോഷ്യൽ മീഡിയയുടെ കണ്ണ് നിറയ്ക്കുന്നത്. കശ്മീരില്‍ വീരമൃത്യു വരിച്ച മുകുത് ബിഹാരി മീണയുടെ ശവസംസ്‌കാര ചടങ്ങിനിടെയായിരുന്നു ഈ കാഴ്ച. ഭീകരരുമായി ജൂലൈ 11ന് നടന്ന ഏറ്റുമുട്ടലിലാണ് ഇരുപത്തഞ്ചുകാരനായ മുകുത് ബിഹാരി മീണ വീരമൃത്യു വരിച്ചത്.

Read Also: ഭീകരരുടെ ആക്രമണത്തിൽ നാല് സൈനികർക്ക് വീരമൃത്യു

സംസ്‌കാര ചടങ്ങുകള്‍ക്കായി മൃതദേഹം വീട്ടിലെത്തിച്ചപ്പോൾ ശവമഞ്ചത്തിനു മുകളിലിരുന്ന് അതില്‍ കിടക്കുന്ന അച്ഛനെ നോക്കുന്ന ആരുവിന്റെ ദൃശ്യമാണ് വേദനയായത്. ശനിയാഴ്ചയാണ് ഖാന്‍പുരില്‍ മുകുത് ബിഹാരി മീണയുടെ സംസ്‌കാരം നടന്നത്. പൂര്‍ണ സൈനിക ബഹുമതികളോടെയായിരുന്നു സംസ്‌കാരം.