സിംബാബ്‍വേയ്ക്കെതിരെ രണ്ടാം ഏകദിനത്തില്‍ അനായാസ വിജയം നേടി പാക്കിസ്ഥാന്‍

ബുലാവയോ: സിംബാബ്‍വേയ്ക്കെതിരെ രണ്ടാം ഏകദിനത്തിലും വിജയം നേടി പാക്കിസ്ഥാന്‍. സിംബാബ്‌വെ ഉയർത്തിയ 195 റണ്‍സ് വിജയലക്ഷ്യം ഒരു വിക്കറ്റ് നഷ്ടത്തില്‍ പതിനാല് ഓവർ ബാക്കി നിൽക്കേ പാകിസ്ഥാൻ ബാറ്റ്സ്മാന്മാർ അടിച്ചെടുത്തു. ഇതോടെ പരമ്പരയിൽ 2-0 എന്ന നിലയിൽ പാക്കിസ്ഥാൻ ലീഡ് ഉയർത്തി. 16 ബൗണ്ടറി ഉള്‍പ്പെടെ 117 റൺസെടുത്ത ഫകര്‍ സമനാണ് പാകിസ്ഥാന്റെ വിജയശില്പി.