മുംബൈ: റെയില്‍വേ പോലീസ് ഫോഴ്‌സ് ഉദ്യോഗസ്ഥന്റെ മനോധൈര്യം രക്ഷിച്ചത് ഒരു ജീവന്‍. ട്രെയിനില്‍ തൂങ്ങിക്കിടന്ന് ജീവന്‍ നഷ്ടപ്പെടേണ്ടിയിരുന്ന യുവാവിനെ സാഹസികമായാണ് ആര്‍പിഎഫ് ഉദ്യോഗസ്ഥന്‍ രക്ഷപ്പെടുത്തിയത്. മുംബൈയിലെ പന്‍വേല്‍ റെയില്‍വേ സ്റ്റേഷനിലാണ് സംഭവം. ഓടുന്ന ട്രെയിനില്‍ ചാടിക്കയറാന്‍ ശ്രമിച്ച യുവാവിനാണ് അബദ്ധം പറ്റിയത്.
ശനിയാഴ്ച രാത്രിയാണ് സംഭവം. നീങ്ങി തുടങ്ങിയ ട്രെയിനില്‍ കയറാന്‍ ശ്രമിക്കുമ്പോള്‍ യുവാവിന് സാധിച്ചില്ല. തുടര്‍ ട്രെയിനിന്റെ വിന്‍ഡോയില്‍ തൂങ്ങി കിടക്കുകയായിരുന്നു. ഇത് കണ്ട ആര്‍പിഎഫ് ഉദ്യോഗസ്ഥന്‍ സ്വന്തം ജീവന്‍ പോലും പണയംവെച്ച്‌ യുവാവിനെ രക്ഷപ്പെടുത്തുകയായിരുന്നു. ഇതിന്റെ വീഡിയോ ഇപ്പോള്‍ സോഷ്യല്‍ മീഡിയകളില്‍ പ്രചരിക്കുകയാണ്.
#WATCH: Railway Police personnel & passengers save a man's life while he was trying to board a train at Mumbai's Panvel railway station. (CCTV footage) (14.07.18) pic.twitter.com/13DNtlJfaK
— ANI (@ANI) July 16, 2018
വിനോദ് ഷിണ്ടെ എന്ന ആര്‍പിഎഫ് ഉദ്യോഗസ്ഥനാണ് യുവാവിന്റെ ജീവന്‍ രക്ഷിച്ചത്. പ്ലാറ്റ്‌ഫോമിലുണ്ടായിരുന്ന മറ്റുള്ളവരും ചേര്‍ന്ന് ഉദ്യോഗസ്ഥനെ സഹായിച്ചു. യാതൊരു ക്ഷതവും ഏല്‍ക്കാതെ യുവാവ് രക്ഷപ്പെട്ടെന്നാണ് വിവരം.
Post Your Comments