പയ്യന്നൂര്‍: വിവാഹ വാഗ്ദാനം നല്‍കി ദളിത് യുവതിയെ പീഡിപ്പിച്ച സംഭവത്തില്‍ ഓണ്‍ലൈന്‍ ബിസിനസുകാരന്‍ അറസ്റ്റില്‍. ഏഴിലോട് ഹനീഫ ക്വാര്‍ട്ടേഴ്‌സിലെ അഫ്‌സലാണ് (41) അറസ്റ്റിലായത്. കരിവെള്ളൂര്‍, പയ്യന്നൂര്‍ എന്നിവിടങ്ങളിലായി വാടക വീടുകളില്‍ താമസിച്ചു വരുന്ന ഇരുപത്തേഴുകാരിയായ ദളിത് യുവതിയാണ് ഇയാള്‍ക്കെതിരേ പയ്യന്നൂര്‍ പോലീസിന് പരാതി നല്‍കിയത്. ഓണ്‍ലൈന്‍ ബിസിനസ് നടത്തിവന്ന ഇവര്‍ പ്രണയബന്ധരാവുകയും അഫ്‌സല്‍ വിവാഹ വാഗ്ദാനം നല്‍കിയിരുന്നതായും യുവതിയുടെ പരാതിയിലുണ്ട്. 2017ഓക്ടോബര്‍ മുതല്‍ വിവിധ സ്ഥലങ്ങളില്‍ കൊണ്ടുപോയി പീഡിപ്പിച്ചുവെന്നാണ് യുവതിയുടെ പരാതി. ഇതേത്തുടര്‍ന്ന് പോലീസ് പിടികൂടിയ പ്രതിക്കെതിരെ പട്ടികജാതി-പട്ടികവര്‍ഗ സംരക്ഷണ നിയമപ്രകാരം കേസെടുത്ത് അറസ്റ്റ് ചെയ്തു.
Post Your Comments