കോട്ടയം : ആഡംബര ബൈക്ക് ഇടിപ്പിച്ച് പോലീസുകാരനെ കൊലപ്പെടുത്തിയ പ്രതി അറസ്റ്റിൽ. കോട്ടയത്തെ ഈസ്‌റ്റ്‌ സ്‌റ്റേഷനിലെ സീനിയര്‍ സിവില്‍ പോലീസ്‌ ഓഫീസര്‍ കെ.വി. അജേഷ്‌(43)നെ വാഹന പരിശോധനയ്ക്ക് ഇടയിൽ പ്രതിയായ എസ്‌.എച്ച്‌. മൗണ്ട്‌ പുത്തന്‍പറമ്പില്‍ ഫെനില്‍ ബിജു(21) ഇടിച്ചു വീഴ്ത്തുകയായിരുന്നു.
ചൊവ്വാഴ്‌ച പുലര്‍ച്ചെ ഒന്നരയോടെ നാഗമ്പടം ബസ്‌സ്‌റ്റാന്‍ഡിനു മുന്നിലായിരുന്നു സംഭവം. ബസ്റ്റാൻഡിന് സമീപം പരിശോധന നടത്താന്‍ അജേഷും സിവില്‍ പോലീസ്‌ ഓഫീസറായ ബിനോയിയും സ്‌കൂട്ടറിലെത്തിയിരുന്നു. തുടർന്ന് റെയിൽവേ സ്റ്റേഷൻ പരിസരത്തുനിന്നും അമിതവേഗത്തിലെത്തിയ ബൈക്കിന്‌ അജേഷ്‌ കൈകാണിച്ചു. എന്നാല്‍, ബൈക്ക് നിര്‍ത്താതെ ഇടിച്ചുവീഴ്‌ത്തുകയായിരുന്നു.
Read also:14കാരിയെ പീഡിപ്പിച്ച് ഗർഭിണിയാക്കി; രണ്ടാനച്ഛൻ പിടിയിൽ
ഇടിയുടെ ആഘാതത്തില്‍ തെറിച്ചു പോയ അജേഷ്‌, പോലീസ്‌ എയ്‌ഡ്‌ പോസ്‌റ്റിന്റെ ഭിത്തിയില്‍ തലയിടിച്ചു റോഡില്‍ വീണു. ബസ്‌ സ്‌റ്റാന്‍ഡിലെ ഓട്ടോഡ്രൈവര്‍മാരും ബിനോയിയും ഓടിയെത്തി ഫെനിലിനെ പിടികൂടി. അജേഷിനെ ആശുപത്രിലേക്ക് കൊണ്ടുപോയെങ്കിലും വഴിയിൽ വെച്ച് മരിച്ചു. പ്രതി മദ്യ ലഹരിയിലായിരുന്നെന്ന് കണ്ടെത്തിയിട്ടുണ്ട് . ഇയാൾ കഞ്ചാവ് കേസിലെ പ്രതി കൂടിയാണ്.
Post Your Comments