മന്ദ്സൗര്‍: മധ്യപ്രദേശിൽ സ്കൂളില്‍ നിന്ന് തട്ടിക്കൊണ്ടുപോയി എട്ടുവയസുകാരിയെ ക്രൂരമായി ബലാത്സംഗം ചെയ്ത കേസ് അന്വേഷിക്കാൻ പ്രത്യേക അന്വേഷണ സംഘത്തെ മധ്യപ്രദേശ് സർക്കാർ ചുമതലപ്പെടുത്തി. സംഭവവുമായി ബന്ധപ്പെട്ട് സി.സി.ടി.വി ദൃശ്യങ്ങള്‍ ഉള്‍പ്പെടെ പരിശോധിച്ച പൊലീസ് പ്രദേശവാസികളായ രണ്ടു പേരെ അറസ്റ്റു ചെയ്തിരുന്നു.
Read also:തായ്‌ലാന്‍ഡിൽ 12 കുട്ടികളും കോച്ചും ഗുഹയില്‍ കുടുങ്ങിയിട്ട് ഇന്നേയ്ക്ക് എട്ട് ദിവസം
ബയ്യു എന്ന ഇര്‍ഫാന്‍(20), ആസിഫ്(24) എന്നിവരാണ് പിടിയിലായത്. ഇവരെ റിമാന്‍ഡ് ചെയ്തിരിക്കുകയാണ്. പ്രതിയായ ആസിഫിന്റെ മാതാവ് മകൻ നിരപരാധിയാണെന്നും കേസ് സിബിഐ അന്വേഷിക്കണമെന്നും ആവശ്യപ്പെട്ടു. സിബിഐ അന്വേഷണത്തിൽ മകൻ കുറ്റവാളിയാണെന്ന് തെളിഞ്ഞാൽ എന്ത് ശിക്ഷ വേണമെങ്കിലും നൽകാമെന്നും മാതാവ് അറിയിച്ചു.
സംഭവം വലിയ ജനരോഷത്തിനു കാരണമാവുകയും പെണ്‍കുട്ടിക്ക് നീതി തേടി ആയിരങ്ങള്‍ തെരുവിലിറങ്ങുകയും ചെയ്തിരുന്നു. പെണ്‍കുട്ടിയുടെ ചികിത്സാ ചിലവുകളും വിദ്യാഭ്യാസവും സര്‍ക്കാര്‍ ഏറ്റെടുക്കുമെന്ന് മധ്യപ്രദേശ് വനിത-ശിശു വികസന വകുപ്പു മന്ത്രി അര്‍ച്ചന ചിറ്റ്നിസ് വാഗ്ദാനം ചെയ്തു.
Post Your Comments