ഹൈദരാബാദ്: 15 ലക്ഷം രൂപയുടെ കടം തീര്‍ക്കാന്‍ ഭാര്യയെയും 12 കാരിയായ മകളെയും വില്‍ക്കാനൊരുങ്ങി ആന്ധ്രാ പ്രദേശിലെ ഓട്ടോ ഡ്രൈവര്‍. സ്ഥിരം മദ്യപാനിയായ ഇയാൾ മകളെയും ഭാര്യയെയും വില്‍ക്കാന്‍ കരാറുണ്ടാക്കുകയും ചെയ്തു. ഇയാള്‍ക്ക് പ്രായപൂര്‍ത്തിയാകാത്ത നാലു പെണ്‍കുട്ടികളും ഒരു മകനുമുണ്ട്. മൂത്ത രണ്ട് പെണ്‍മക്കള്‍ക്ക് 17ഉം 12ഉം വയസാണ്. ഇതില്‍ 12കാരിയെ വില്‍ക്കാനാണ് ഇയാൾ കരാര്‍ ഉണ്ടാക്കിയത്.
1.5 ലക്ഷം രൂപയുടെ കരാറാണ് ഒപ്പുവെച്ചിരിക്കുന്നത്. ഇയാളുടെ ഭാര്യ പരാതി നല്‍കിയതോടെയാണ് സംഭവം പുറത്തറിഞ്ഞത്. താന്‍ ഇൗയടുത്താണ് സംഭവം അറിഞ്ഞതെന്നും തന്റെ മക്കളെ ഇയാള്‍ വില്‍ക്കുമെന്ന് ഭയക്കുന്നതായും തന്നെ അഞ്ചു ലക്ഷം രൂപയ്ക്ക് ബന്ധുവിന് വിറ്റതായും ഭാര്യ പറഞ്ഞു. ഇതോടെ താൻ തന്റെ വീട്ടിലേക്ക് പോയെങ്കിലും ഇയാൾ അവിടെ വന്ന് തന്നെ ഉപദ്രവിച്ചതായാണ് ഇവർ പറയുന്നത്.
തന്റെ കുട്ടികളെ തനിക്ക് ഇഷ്ടമുള്ളത് ചെയ്യുമെന്നാണ് ഭര്‍ത്താവിന്റെ ഭീഷണിയെന്നും സ്ത്രീ പറയുന്നു. സ്ത്രീയുടെ പരാതിയെ തുടര്‍ന്ന് കേസെടുക്കുകയും 17ഉം 12ഉം വയസുള്ള കുട്ടികളെ സംരക്ഷണ കേന്ദ്രത്തിലേക്ക് മാറ്റുകയും ചെയ്തിട്ടുണ്ട്.
Post Your Comments