തിരുവനന്തപുരം: മുഖത്തടിച്ച ശേഷം മൊബൈല്‍ പിടിച്ചുപറിച്ചു കടന്നുകളഞ്ഞ യുവാവ് അറസ്റ്റില്‍. പന്നിയോട് കുന്നില്‍വീട്ടില്‍ ഹരികൃഷ്ണന്‍ (ഉണ്ണി-19) ആണ് കേസില്‍ അറസ്റ്റിലായത്. വെള്ളിയാഴ്ച വൈകിട്ടു കാട്ടാക്കട കെഎസ്ആര്‍ടിസി ഡിപ്പോയ്ക്കു സമീപംവച്ചു പാറച്ചല്‍ സ്വദേശിയായ യുവാവിനെ ആക്രമിച്ചശേഷം മൊബൈല്‍ തട്ടിയെടുത്തു കടക്കുകയായിരുന്നു ഹരികൃഷ്ണന്‍.
ഫോണില്‍ സംസാരിച്ചു നില്‍ക്കുകയായിരുന്നു പാറച്ചല്‍ സ്വദേശിയായ ഷൈന്‍. ഈ സമയം ഹരികൃഷ്ണനെത്തി മുഖത്തടിച്ചു മൊബൈല്‍ ഫോണ്‍ തട്ടിയെടുത്തു വാഹനത്തില്‍ കടന്നുകളയുകയായിരുന്നു. കാട്ടാക്കട സ്റ്റേഷനില്‍ വേറെയും മോഷണം, കഞ്ചാവു വില്‍പന കേസുകളില്‍ പ്രതിയാണിയാള്‍. കാട്ടാക്കട പൊലീസാണ് ഇയാളെ പിടികൂടിയത്.
Post Your Comments