കോട്ടയം: വഴിയില്‍വീണ ഓയില്‍ പണികൊടുത്തത് ഏഴ് ബൈക്കുകള്‍ക്ക്. നട്ടാശേരി അയ്മനത്തുകവല കൊശമറ്റം കവല റോഡില്‍ ശനിയാഴ്ച മൂന്നു മണിയോടെയാണ് ലോറിയില്‍ നിന്നും ഓയില്‍ റോഡ് മുഴവന്‍ ആയത്. ഇത് റോഡില്‍ മുഴുവന്‍ പരന്നതോടെ ആ സമയം അതുവഴി വന്ന ഏഴ് ബൈക്കുകളാണ് അപകടത്തില്‍ പെട്ടത്.
Also Read : ഇന്ത്യന്‍ ഓയില്‍ പമ്പിലെ ‘തട്ടിപ്പ്’ തുറന്നു കാട്ടിയ യുവാവിന് സംഭവിച്ചതിങ്ങനെ
ഓയിലില്‍ തെന്നി ബൈക്കുകള്‍ മറിഞ്ഞ് യാത്രക്കാര്‍ക്ക് പരിക്കേറ്റു. പരിക്കേറ്റവര്‍ പാറമ്പുഴ പ്രാഥമികാരോഗ്യ കേന്ദ്രത്തില്‍ ചികിത്സ തേടി. കോട്ടയത്തു നിന്നെത്തിയ അഗ്‌നിരക്ഷാസേനാംഗങ്ങള്‍ സോപ്പു പൊടി വിതറിയ ശേഷം വെള്ളം ചീറ്റിയൊഴിച്ച് റോഡ് കഴുകി വൃത്തിയാക്കി. അരമണിക്കൂറിലേറെയുള്ള പരിശ്രമത്തിലൂടെയാണ് റോഡിലെ എണ്ണ നീക്കിയത്.
Post Your Comments