ന്യൂഡല്‍ഹി: കൊടും ഭീകരരായ 21 തീവ്രവാദികളുടെ പട്ടിക സൈന്യം തയ്യാറാക്കി. ഇസ്ലാമിക സ്‌റ്റേറ്റ് ഓഫ് ജമ്മുകാശ്മീര്‍ എന്ന തീവ്രവാദ സംഘടനയുടെ തലവന്‍ ദാവൂദ് അഹമ്മദ് സലാഹിയും നാലു സഹായികളും വെള്ളിയാഴ്ച നടന്ന ഓപ്പറേഷനില്‍ കൊല്ലപ്പെട്ടിരുന്നു. ഇതിനു പിന്നാലെയാണ് ജമ്മുകാശ്മീരില്‍ തീവ്രവാദ പ്രവര്‍ത്തനങ്ങള്‍ നടത്തുന്ന ഏറ്റവും ഭീകരരായ 21 പേര്‍ക്കു വേണ്ടി പട്ടിക തയ്യാറാക്കിയിട്ടുണ്ട് സൈന്യം അറിയിച്ചത്.
ALSO READ:ജമ്മുകാശ്മീരില്‍ തൊഴിലാളികള്‍ വെന്ത് മരിച്ചു
11 ഹിസ്ബുള്‍ മുജാഹീദിന്‍, 7 ലഷ്‌കര്‍ ഇ-ത്വയ്ബ, 2 ജയ്‌ഷെ ഇ-മുഹമ്മദ്, 1 അന്‍സാര്‍ ഗസ്‌വത് ഉല്‍ ഹിന്ദ് തീവ്രവാദികളാണ് ഹിറ്റ് ലിസ്റ്റില്‍ ഉള്ളത്. ഇവര്‍ നടത്തിയിരിക്കുന്ന കൊലപാതകങ്ങളുടെയും ആക്രമണങ്ങളുടെയും കണക്കിലാണ് പട്ടിക. പിടികിട്ടാപ്പുള്ളികളായ തീവ്രവാദികളുടെ പട്ടിക തയ്യാറാണെന്നും ഓപ്പറേഷനുകള്‍ ഉണ്ടാകുമെന്നും സൈന്യം പറയുന്നു.
Post Your Comments