ക്രൊയേഷ്യക്കെതിരായ നാണം കെട്ട തോല്‍വിക്ക് ശേഷം ആരാധകരോട് മാപ്പപേക്ഷിച്ച്‌ അര്‍ജന്റീനയുടെ കോച്ച്‌ സാംപോളി രംഗത്തെത്തി. ക്രൊയേഷ്യക്കെതിരെ എതിരില്ലാത്ത മൂന്നു ഗോളിന് പരാജയപ്പെട്ട അര്‍ജന്റീനയുടെ നോക്ക്‌ഔട്ട് സാദ്ധ്യതകള്‍ ഇപ്പോള്‍ തുലാസിലായിരിക്കുകയാണ്. മത്സരത്തില്‍ നിറം മങ്ങിപ്പോയ മെസ്സിക്ക് സാംപോളി പിന്തുണ പ്രഖ്യാപിച്ചു.
മെസ്സി ടീമിന്റെ ക്യാപ്റ്റന്‍ ആണ്, ടീമിനെ മുന്നോട്ട് നയിക്കാന്‍ ശ്രമിച്ചെങ്കിലും അദ്ദേഹത്തിന് വേണ്ട പിന്തുണ കൊടുക്കാന്‍ ടീമിനായില്ല, മെസ്സിയിലേക്ക് പന്തെത്തിക്കാന്‍ ടീമിനായില്ല, അതിനു വേണ്ടിയാണ് പരിശീലനം നടത്തിയിരുന്നത് എങ്കിലും എതിര്‍ ടീം തന്ത്രങ്ങള്‍ എല്ലാം തടയുകയായിരുന്നു സാംപോളി പറഞ്ഞു.ഗോള്‍ കീപ്പര്‍ വില്ലി കാബേറോയുടെ വലിയ അബദ്ധം ആണ് ടീമിനെ നാണക്കേടിലേക്ക് നയിച്ചതെന്നാണ് വിലയിരുത്തൽ.
Post Your Comments