കൊച്ചി:മനുഷ്യത്ത്വമെന്നത് പലരില്‍ നിന്നും ഇല്ലാതായിക്കൊണ്ടിരിക്കുന്നുവെന്നതിന്റെ ഉത്തമ ഉദാഹരണമായി മാറുകയാണ് സമൂഹമാധ്യമങ്ങളിലെ ഈ ദൃശ്യങ്ങള്‍.അറവ് മാടുകളെ കുത്തിനിറച്ചുള്ള വാഹനങ്ങള്‍ കേരളത്തിലേക്ക് വരുമ്പോള്‍ അവയെ ഒന്ന് സൂക്ഷിച്ചു നോക്കിയാല്‍ കാണുന്നത് കരളലിയിക്കുന്ന ദൃശ്യങ്ങളാണ്. അത്തരം ദൃശ്യങ്ങളില്‍ ചിലത് ഏതാനും ദിവസങ്ങള്‍ക്ക് മുന്‍പ് സമൂഹ മാധ്യമങ്ങളില്‍ പ്രചരിച്ചിരുന്നു. കന്നുകാലിയുടെ കണ്ണില്‍ നീളന്‍ പച്ചമുളക് കീറി വെച്ചിരിക്കുന്ന ചിത്രങ്ങളാണ് സമൂഹ മാധ്യമങ്ങളില്‍ പ്രചരിച്ചത്.
ഇവ വണ്ടിയില്‍ തുടര്‍ച്ചയായി മണിക്കൂറുകളോളം നില്‍ക്കാനും ഉറങ്ങിപ്പോകാതിരിക്കാനുമാണ് ഇങ്ങനെ ചെയ്യുന്നതെന്നാണ് പലരുടെയും ന്യായം. ഹൈവേകളിലൂടെ കടന്ന് പോകുമ്പോള്‍ ഇത്തരം കാഴ്ച്ചകള്‍ പതിവാണ്. അത്തരത്തിലുള്ള ദൃശ്യം കണ്ട ഒരു യാത്രക്കാരന്‍ ചിത്രം പകര്‍ത്തി സമൂഹ മാധ്യമത്തില്‍ പങ്കുവയ്ക്കുകയായിരുന്നു. ഇത്തരം ക്രൂരതകള്‍ അവസാനിപ്പിക്കുവാന്‍ ഇനിയെങ്കിലും മനുഷ്യര്‍ക്ക് സാധിക്കട്ടെ.
Post Your Comments