ബംഗളൂരു: ഇന്ത്യയില്‍ അഞ്ചു വര്‍ഷം പൂര്‍ത്തിയാക്കുന്ന അവസരത്തില്‍ വമ്പന്‍ ഓഫറുമായി ആമസോണ്‍. ആമസോണ്‍ ഇ- കൊമേഴ്സ് വെബ് സൈറ്റ് ഉപയോക്താക്കള്‍ക്കാണ് പുതിയ ഓഫര്‍. 1000 രൂപയുടെ പര്‍ച്ചേസ് ചെയ്യുന്നവര്‍ക്ക് 250 രൂപ കാഷ്ബാക്ക് ആണ് ആമസോണ്‍ നല്‍കുന്ന ഓഫര്‍.
ഇതുമായി ബന്ധപ്പെട്ട സന്ദേശം ആമസോണ്‍ മേധാവി ജെഫ് ബെസോസ് വെബ് സൈറ്റില്‍ പ്രസിദ്ധീകരിച്ചിട്ടുണ്ട്. ആമസോണില്‍ ആയിരം രൂപയോ അതിലധികമോ തുകയുടെ ഷോപ്പിങ് നടത്തിയ ശേഷം ഡിജിറ്റല്‍ പേയ്മെന്റ് നടത്തുന്നവര്‍ക്ക് ആമസോണ്‍ പേ-വാലറ്റിലാണ് 250 രൂപ കാഷ്ബാക്ക് ലഭിക്കുക.
Also Read : ദമ്പതികളുടെ സ്വകാര്യസംഭാഷണം റെക്കോര്‍ഡ് ചെയ്ത് മറ്റൊരാള്‍ക്ക് അയച്ചു; ആമസോണ്‍ ഇക്കോ വിവാദത്തിൽ
ഇംഗ്ലിഷിനു പുറമെ, ഹിന്ദി, ഗുജറാത്തി, മറാത്തി, തമിഴ്, മലയാളം എന്നീ ഭാഷകളിലും ആമസോണ്‍ കിന്‍ഡില്‍ ഇ- ബുക് സേവനം ലഭ്യമാണെന്നും ജെഫ് ബെസോസിന്റെ സന്ദേശത്തില്‍ പറയുന്നു. ഇന്ത്യയിലെ 13 സംസ്ഥാനങ്ങളിലായി 15 വെയര്‍ഹൗസുകള്‍ വഴി ആമസോണ്‍ സേവനം നല്‍കുന്നുണ്ട്.
Post Your Comments