ആലപ്പുഴ: കേരള കോണ്‍ഗ്രസ് എമ്മിന് രാജ്യസഭാ സീറ്റ് നല്‍കിയതില്‍ കോണ്‍ഗ്രസില്‍ പ്രതിഷേധം ശക്തമാകുന്നു. മുന്‍ മുഖ്യമന്ത്രിയും എഐസിസി ജനറല്‍ സെക്രട്ടറിയുമായ ഉമ്മന്‍ ചാണ്ടിയുടെ ഫ്‌ളക്‌സില്‍ കരിഓയില്‍ ഒഴിച്ചു. ആലപ്പുഴ നഗരത്തില്‍ ഉമ്മന്‍ ചാണ്ടിക്ക് അഭിവാദ്യങ്ങള്‍ അര്‍പ്പിച്ച് സ്ഥാപിച്ചിരുന്ന ഫ്‌ളെക്‌സിലാണ് കരി ഓയില്‍ ഒഴിച്ചത്.
ജനനായകന്‍ ദേശീയ രാഷ്ട്രീയത്തിലേക്ക് എന്ന് മുകളിലും എ ഐ സി സി ജനറല്‍ സെക്രട്ടറി ഉമ്മന്‍ ചാണ്ടിക്ക് അഭിവാദ്യങ്ങള്‍ എന്ന് താഴെയും എഴുതി ഉമ്മന്‍ ചാണ്ടിയുടെ മുഴുവന്‍ ചിത്രം സഹിതം ടൗണ്‍ കോണ്‍ഗ്രസ് കമ്മറ്റിയുടെ പേരിലായിരുന്നു ഫ്‌ളക്‌സ്.
Post Your Comments