അഞ്ചല്‍: നാലു വയസുകാരനായ എല്‍കെജി വിദ്യാര്‍ത്ഥിയെ മറന്ന് അധികൃതര്‍ ക്ലാസ് മുറി പൂട്ടി മടങ്ങി. അഞ്ചല്‍ അലയമണ്‍ ഗവ.എല്‍പി. സ്‌കൂളിലാണ് സംഭവം. ക്ലാസ് അവസാനിച്ചപ്പോള്‍ കുട്ടി സ്‌കൂളില്‍ ഇരിക്കുന്നത് കാണാതെ അധികൃതര്‍ ക്ലാസ് മുറി പൂട്ടി മടങ്ങുകയായിരുന്നു.
also read: നാലുവയസുകാരനെ തട്ടിക്കൊണ്ടു പോകാന്‍ ശ്രമിച്ച ആന്ധ്രാ സ്വദേശി ചിന്നപ്പയെക്കുറിച്ച്
കുട്ടിയെ സ്‌കൂള്‍ ബസില്‍ കാണാതായതോടെയാണ് വിവരം പുറത്തറിഞ്ഞത്. കുട്ടിയെ കാണാനില്ലെന്ന് അറിഞ്ഞ് രക്ഷിതാക്കളും നാട്ടുകാരും നാടെങ്ങും തിരച്ചിൽ നടത്തി. തുടർന്ന് പോലീസിലും വിവരം അറിയിച്ചു. സംഭവസ്ഥലത്ത് എത്തിയ പോലീസിന്റെ നിര്‍ദേശ പ്രകാരം അധ്യാപകര്‍ ക്ലാസ് മുറി തുറന്നു പരിശോധിച്ചപ്പോഴാണ് ഭയന്ന് കരയുന്ന കുട്ടിയെ മുറിക്കുള്ളില്‍ നിന്ന് കണ്ടെത്തിയത്. സ്‌കൂളിൽ എത്തിയ അധികൃതർ കുട്ടി ഉള്ളിൽ ഉണ്ടാകില്ലെന്ന് ഉറപ്പിച്ച് പറഞ്ഞുവെങ്കിലും പോലിസിന്റെ കര്‍ശന നിര്‍ദേശ പ്രകാരം ക്ലാസ് മുറികൾ തുറന്ന് പരിശോധിക്കുകയായിരുന്നു. സംഭവത്തിൽ പോലീസ് കേസെടുത്തിട്ടുണ്ട്.
Post Your Comments