കോട്ടയം : ദുരഭിമാനത്തിന്റെ പേരിൽ കോട്ടയം സ്വദേശി കെവിനെ കൊലപ്പെടുത്തിയ സംഭവത്തിൽ പ്രതികളെ വെട്ടിലാക്കുന്ന വെളിപ്പെടുത്തലുമായി കെവിന്റെ ബന്ധുവായ അനീഷ്. കെവിനോടൊപ്പം അനീഷിനെയും പ്രതികൾ തട്ടിക്കൊണ്ടുപോയിരുന്നു. ഇടയ്ക്കുവെച്ച് പ്രതികൾ അനീഷിനെ വാഹനത്തിൽ നിന്ന് ഇറക്കിവിട്ടു.
കെവിന്റെ മൃതദേഹം കണ്ടത്തിയ സ്ഥലത്തിന് സമീപത്തു വാഹനങ്ങൾ നിർത്തിയെന്നും കെവിനെ വാഹനത്തിൽ നിന്ന് ഇറക്കി റോഡിൽ കിടത്തുന്നത് കണ്ടെന്നും അനീഷ് വെളിപ്പെടുത്തി. കൂടാതെ കെവിൻ പുഴ നീന്തി രക്ഷപ്പെട്ടെന്ന് ഷാനു തന്നോട് പറഞ്ഞു. എന്നാൽ ഓടി രക്ഷപെടാൻ കഴിയുന്ന അവസ്ഥയിലായിരുന്നില്ല കെവിനെന്നും അനീഷ് പറഞ്ഞു.
അതേസമയം തെന്മലയില്‍ കാര്‍ നിര്‍ത്തിയപ്പോള്‍ കെവിന്‍ ഓടിരക്ഷപ്പെട്ടെന്നും പുറകെ ഓടിയെങ്കിലും കണ്ടെത്താനായില്ലെന്നും അതോടെ സംഘത്തിലുള്ളവര്‍ തിരികെ വന്നെന്നും അനീഷിനെ കോട്ടയത്ത് ഇറക്കിവിട്ടെന്നും പ്രതി ഷാനു പോലീസിന് മൊഴി നൽകിയിരുന്നു.
Post Your Comments