യുവഗായകന്‍ വെടിയേറ്റ് മരിച്ചത് വിശ്വസിക്കാനാവാതെ സംഗീത ലോകം. പഞ്ചാബി യുവ ഗായകനായ നവ്‌ജ്യോത് സിംഗാണ് (22) കൊല്ലപ്പെട്ടത്. ഞായറാഴ്ച്ച രാത്രി ചണ്ഡിഗഢിനു സമീപം ദേരാബാസിയിലാണ് സംഭവം. ബെഹ്‌റയിലായിരുന്നു നവ്‌ജ്യോതിന്‌റെ മാതാപിതാക്കള്‍ താമസിച്ചിരുന്നത്. ഇവരെ കാണാന്‍ പോകുന്ന വഴിയ്ക്കാണ് സിംഗിനെ വെടിവയ്ച്ച് കൊലപ്പെടുത്തിയത്.
ഈ ഭാഗത്തുള്ള ഫാക്ടറിയ്ക്ക് സമീപത്തു നിന്നും നവ്‌ജ്യോതിന്‌റെ മൃതശരീരം കണ്ടെടുത്തു. കുറച്ച് മാറി സിങ്ങിന്‌റെ കാറുമുണ്ടായിരുന്നു. 11 മണിയോടെ എത്തുമെന്ന് അറിയിച്ചിട്ടും സിങ്ങിനെ കാണാതായതോടെ വീട്ടുകാര്‍ അന്വേഷിച്ചിറങ്ങി. കാറിന്‌റെ ഡോര്‍ തുറന്ന് കിടക്കുകയായിരുന്നു. അഞ്ച് വെടിയുണ്ടകളാണ് സിങ്ങിന്‌റെ ശരീരത്തിലുണ്ടായിരുന്നത്. പൊലീസ് അന്വേഷണം ആരംഭിച്ചു.
Post Your Comments