ജിയോ ഉപഭോക്താവാണോ നിങ്ങൾ ? എങ്കിൽ ഈ ഓഫർ അറിയാതെപോകരുത്

ഐപിഎല്‍ 2018 സീസണ്‍ കലാശ പോരാട്ടത്തിനു ഒരുങ്ങുന്ന വേളയില്‍ മറ്റൊരു ഐപിഎല്‍ ആഡ്‌ ഓൺ ഓഫറുമായി ജിയോ. 101 രൂപയുടെ പുതിയ ജിയോ ക്രിക്കറ്റ് പാക്കിലൂടെ നാല് ദിവസത്തേക്ക് 8ജിബി ഡാറ്റയായിരിക്കും ലഭിക്കുക. ജിയോ മൈ ആപ്പിലെ മൈ പ്ലാൻസിലൂടെ ഈ ആഡ്‌ ഓൺ സൗകര്യം പ്രയോജനപ്പെടുത്താം. മെയ് 25ന് തുടങ്ങി മേയ് 29 വരെ വാലിഡിറ്റി ലഭിക്കുന്ന ഈ ഓഫറിന് സൗജന്യ ഫ്രീ കോൾ/എസ് എം എസ് സേവനം ലഭ്യമല്ല. അതിനാൽ ഡാറ്റ ബ്രൌസിംഗ്, സ്ട്രീമിംഗ്, ഡൌൺലോഡിംഗ് തുടങ്ങിയവയ്ക്കായി ഈ പ്ലാൻ നിങ്ങൾക്ക് പ്രയോജനപ്പെടും.

നേരത്തെ ഐപിഎൽ മത്സരങ്ങൾ തുടങ്ങിയ വേളയിൽ കൂടുതൽ ഉപഭോകതാക്കളെ ആകർഷിക്കുവാൻ 251 രൂപയുടെ ഒരു ക്രിക്കറ്റ് പ്ലാൻ ജിയോ നേരത്തെ അവതരിപ്പിച്ചിരുന്നു. ദിവസേന 2ജിബി ഡാറ്റ 51 ദിവസത്തേക്ക് ലഭിക്കുന്നതാണ് ഓഫർ. ആകെ 102 ജിബി ഡാറ്റയായിരിക്കും ലഭിക്കുക. എന്നാൽ സൗജന്യ ഫ്രീ കോൾ/എസ് എം എസ് സേവനം ഈ പ്ലാനിനും ലഭ്യമായിരുന്നില്ല. കഴിഞ്ഞ മാര്‍ച്ചിൽ ജിയോ 10 ജിബി ഡേറ്റ ഫ്രീയായി നല്‍കിയിരുന്നു. ജിയോക്ക് പിന്നാലെ ബിഎസ്എൻഎൽ,എയർടെൽ ഉൾപ്പെടെ എല്ലാ ടെലികോം കമ്പനികളും വരിക്കാരെ ആകർഷിക്കുവാൻ ഐപിഎൽ ഓഫറുകൾ അവതരിപ്പിച്ചിരുന്നു.

Also read ; ഹ്യുണ്ടായ് കാര്‍ വാങ്ങുന്നതിനു മുൻപ് ഇക്കാര്യം അറിഞ്ഞിരിക്കുക