ത്രിപുര മുഖ്യമന്ത്രി ബിപ്ലബ് ദേബ് ചെങ്ങന്നൂരിലേക്ക്

ചെങ്ങന്നൂര്‍: ത്രിപുര മുഖ്യമന്ത്രി ബിപ്ലബ് ദേബ് കുമാര്‍ ചെങ്ങന്നൂരിലേക്ക്. ചെങ്ങന്നൂർ ഉപതെരഞ്ഞെടുപ്പിന്റെ
പ്രചാരണത്തിൽ എന്‍ഡിഎയ്ക്ക് കരുത്ത് പകരാനാണ് ബിപ്ലബ് ദേബ് കുമാറിന്റെ വരവ്. ഇന്ന് രാവിലെ 8ന് എറണാകുളത്ത് വരാപ്പുഴയില്‍ പോലീസ് മര്‍ദനത്തില്‍ മരണപ്പെട്ട ശ്രീജിത്തിന്റെ വീട് സന്ദര്‍ശിക്കുന്ന ത്രിപുര മുഖ്യമന്ത്രി അവിടെ നിന്ന് റോഡ് മാര്‍ഗം ചെങ്ങന്നൂരിലെത്തും.

ALSO READ: ചെങ്ങന്നൂര്‍ ആര് നേടും?: അഭിപ്രായ സര്‍വേ ഫലം പറയുന്നതിങ്ങനെ

വൈകിട്ട് 3ന് മാന്നാര്‍ സ്റ്റോര്‍ ജങ്ഷനില്‍ ചേരുന്ന മഹാസമ്മേളനത്തെ ബിപ്ലബ് ദേബ് അഭിസംബോധന ചെയ്യും. തുടര്‍ന്ന് വൈകിട്ട് 4ന് ചെങ്ങന്നൂര്‍ നഗരത്തില്‍ സ്ഥാനാര്‍ത്ഥി ശ്രീധരന്‍പിള്ളയ്‌ക്കൊപ്പം റോഡ് ഷോ നയിക്കും. തേരകം മൈതാനത്ത് നിന്ന് ആരംഭിച്ച്‌ കല്ലിശ്ശേരിയില്‍ അവസാനിക്കുന്ന റോഡ്‌ഷോയില്‍ ആയിരക്കണക്കിന് പ്രവര്‍ത്തകര്‍ അണിനിരക്കും.