മരക്കൊമ്പിലിരിക്കുന്ന പുള്ളിപ്പുലി താഴെ നില്‍ക്കുന്ന കാട്ടുപോത്തിനെ ചുംബിക്കുന്ന ഒരു ചിത്രമായിരുന്നു കഴിഞ്ഞ ദിവസങ്ങളിൽ സോഷ്യൽ മീഡിയയിലെ ചർച്ചാവിഷയം. ദക്ഷിണാഫ്രിക്കയിലെ സാബി സാന്‍ഡ് ഗെയിം റിസര്‍വില്‍ നിന്നാണ് ഈ ചിത്രം പകര്‍ത്തിയത്. ഈ വിചിത്രചിത്രത്തിന് പിന്നിലെ സത്യം ഇപ്പോൾ പുറത്തുവന്നിരിക്കുകയാണ്. വിശന്നു വലഞ്ഞ പുള്ളിപ്പുലി ഒരു കാട്ടുപോത്തിന്‍ കുട്ടിയെ വേട്ടയാടാന്‍ ശ്രമിച്ചു. എന്നാല്‍ പുലിയുടെ ഉദ്ദേശം മനസ്സിലാക്കിയ പോത്തിന്‍ കൂട്ടത്തിലെ ഒരു സംഘം ഇതിനെ പ്രതിരോധിക്കാന്‍ ശ്രമിക്കുകയും പുലിയെ ഓടിച്ച് ഒരു മരത്തിൽ കയറ്റുകയും ചെയ്‌തു.
Read Also: മാരകവിഷ വസ്തു ഉപയോഗിച്ചുള്ള ഭീകരാക്രമണം : പദ്ധതി പൊളിച്ചു
മരക്കൊമ്പിലിരുന്ന് പോത്തുകളെ വിരട്ടാന്‍ പുലി പലതവണ ശ്രമിച്ചെങ്കിലും ഫലം കണ്ടില്ല.തുടര്‍ന്നാണ് പുലിയും കൂട്ടത്തിലെ കാട്ടുപോത്തുകളിലൊന്നും പരസ്പരം മുഖം അടുപ്പിച്ചത്. ഫോട്ടോഗ്രാഫർ ആ മുഹൂര്‍ത്തം ക്യാമറയിൽ പകർത്തുകയും ചെയ്‌തു. ഇതിന്റെ വീഡിയോയും ഇപ്പോൾ പുറത്തുവന്നിട്ടുണ്ട്.
വീഡിയോ കാണാം;
Post Your Comments