കർണാടക മാതൃകയിൽ സർക്കാർ രൂപീകരിക്കണമെന്ന ആവശ്യവുമായി ഗോവയിലും മണിപ്പൂരിലും ബിഹാറിലും പ്രതിപക്ഷ പാർട്ടികൾ രംഗത്ത്

പനാജി: കർണാടക മാതൃകയിൽ സർക്കാർ രൂപീകരിക്കണമെന്ന് ആവശ്യപ്പെട്ട് ഗോവയിലും മണിപ്പൂരിലും ബിഹാറിലും പ്രതിപക്ഷ പാർട്ടികൾ രംഗത്ത്. ഏറ്റവും വലിയ ഒറ്റ കക്ഷിയായതിനാൽ കർണാടക മാതൃകയിൽ സർക്കാർ രൂപീകരിക്കാൻ ക്ഷണിക്കണമെന്നാവശ്യപ്പെട്ട്​ ഗോവയിലും മണിപ്പൂരിലും കോൺഗ്രസ്​ എം.എൽ.എമാർ ഗവർണറെ സന്ദർശിക്കുകയുണ്ടായി. ബിഹാറിൽ ആർ.ജെ.ഡി നേതാവ്​ തേജസ്വി യാദവും കോൺഗ്രസ്​ നേതാക്കളും ചേർന്നായിരുന്നു ഗവർണറെ കണ്ടത്. എന്നാൽ ഈ ആവശ്യം കോൺഗ്രസ് തള്ളി.

Read Also: സാഗര്‍ ചുഴലിക്കാറ്റ് ആഞ്ഞടിയ്ക്കും : കേരളത്തീരത്ത് ജാഗ്രത

ഗോവ ഗവർണർ മൃദുല സിൻഹക്ക്​ കോൺഗ്രസി​​​ന്റെ നിയമസഭാ കക്ഷി നേതാവ്​ ചന്ദ്രകാന്ത്​ കവ്​ലേക്കർ സഭയിൽ ഭൂരിപക്ഷം തെളിയിക്കാൻ അവസരം നൽകണമെന്നാവശ്യപ്പെട്ട്​ കത്ത് നൽകി. ഗവർണർ ചെയ്​ത തെറ്റ്​ തിരുത്തി കർണാടകയെ മാതൃകയാക്കണമെന്നാണ്​ തങ്ങൾ ആവശ്യപ്പെടുന്നതെന്ന്​ കോൺഗ്രസ് വ്യക്തമാക്കി. ഗോവയിൽ 40 അംഗ നിയമസഭയിൽ 17 സീറ്റുകൾ നേടി കോൺഗ്രസ്​ ഏറ്റവും വലിയ ഒറ്റ കക്ഷിയായിരുന്നു. ബി.ജെ.പിക്ക്​ 13 സീറ്റും മറ്റുള്ള പാർട്ടികൾക്ക്​ 10 സീറ്റും ലഭിച്ചിരുന്നു. സർക്കാർ രൂപീകരിക്കാനാവശ്യമായ പിന്തുണ തങ്ങൾക്കുണ്ടെന്നും അത് സഭയിൽ തെളിയിക്കുമെന്നും അവർ പറയുകയുണ്ടായി. മണിപ്പൂരിലും കോൺഗ്രസ്​ എം.എൽ.എമാർ ആക്​ടിങ്​ ഗവർണർ ജഗ്​ദീഷ്​ മുഖിയെ സന്ദർശിച്ചു. മണിപ്പൂരിലും ഏറ്റവും വലിയ ഒറ്റ കക്ഷി കോൺഗ്രസായിരുന്നു.