ന്യൂയോര്‍ക്ക്: പ്രശസ്ത ഹോളിവുഡ് നടി അന്തരിച്ചു. 2014ലെ എമ്മി അവാര്‍ഡ് ജേതാവും 1970-80 കാലത്തെ സൂപ്പര്‍മാന്‍ സിനിമകളിലെ കഥാപാത്രവുമായ നടി മാര്‍ഗോ കിഡര്‍(69) ആണ് സിനിമാ ലോകത്തോട് വിട പറഞ്ഞത്.
സൂപ്പര്‍മാന്‍ പരമ്പരയിലെ ലൂയിസ് ലെയ്ന്‍ എന്ന വേഷമാണ് കിഡറിന് ജനപ്രീതി നേടികൊടുത്തത്. കൂടാതെ നിരവധി സീരിയലുകളും ടിവി ഷോകളും കിഡര്‍ ചെയ്തിട്ടുണ്ട്. 1948 ഒക്ടോബര്‍ 17ന് കാഡനയിലാണ് കിഡറിന്റെ ജനനം. 2016ല്‍ യുഎസ് പ്രസിഡന്റ് തെരഞ്ഞെടുപ്പിന്റെ പ്രചാരണത്തിനിടെ ഡെമോക്രാറ്റ് സ്ഥാനാര്‍ഥികള്‍ പിന്തുണയുമായി കിഡറും രംഗത്തുണ്ടായിരുന്നു.
ഞായറാഴ്ച വീട്ടില്‍ വെച്ചായിരുന്നു കിഡറിന്റെ അന്ത്യം. എന്നാല്‍ ഇതുവരെ മരണകാരണം വ്യക്തമായിട്ടില്ല. കിഡര്‍ നിരവധി മാനസികാരോഗ്യപ്രശ്‌നങ്ങള്‍ക്ക് ഇരയായിരുന്നു. രാഷ്ട്രീയ പ്രവര്‍ത്തകയായും കിഡര്‍ പ്രശസ്തയാണ്.
Post Your Comments