ഫോണുകൾക്ക് വൻ വിലക്കുറവുമായി സാംസങ്

ഗ്യാലക്സി നോട്ട് 8 ന്റെ വില കുത്തനെ കുറച്ച് സാംസങ്. 74,400 രൂപ വിലയുണ്ടായിരുന്ന നോട്ട് 8 പേടിഎം മാള്‍ വഴി 59,900 രൂപയ്ക്കാണ് ഇപ്പോൾ നൽകുന്നത്. പേടിഎം വഴി വാങ്ങുന്നവർക്ക് 10,000 രൂപ ക്യാഷ്ബാക്കും നൽകുന്നുണ്ട്. ക്യാഷ്ബാക്ക് തുക പേടിഎം വോലറ്റിൽ 12 ദിവസത്തിനകം ക്രെഡിറ്റാകും. ഗ്യാലക്സി എസ്8 പ്ലസ്, ഗ്യാലക്സി എസ്8, ഗ്യാലക്സി എ8പ്ലസ് തുടങ്ങി മോഡലുകൾക്കും ഓഫറുണ്ട്.

Read Also: മുഖ്യമന്ത്രിക്ക് അകമ്പടി പോയ വാഹനം അപകടത്തില്‍പെട്ടു

ആന്‍ഡ്രോയ്ഡ് 7.1.1 നൗഗട്ടാണ് ഗ്യാലക്‌സി നോട്ട് 8ന്‍റെ ഓപ്പറേറ്റിംഗ് സിസ്റ്റം. 3300 എംഎഎച്ച് ശേഷിയാണ് ഫോണിന്റെ ബാറ്ററി. 8 മെഗാപിക്‌സല്‍ സെല്‍ഫി ക്യമറ, ഒപ്റ്റിക്കല്‍ ഇമേജ് സ്റ്റബിലൈസേഷനോട് കൂടിയ 12 മെഗാപിക്‌സലിന്‍റെ ഇരട്ടക്യാമറ, 6.3 ഇഞ്ച് ക്വാഡ് എച്ച്ഡി 14440×2960 പിക്‌സല്‍ ഡിസ്‌പ്ലേ, 64 ജിബി ഇന്റേണല്‍ സ്‌റ്റോറേജ്ഐപി 68 സര്‍ട്ടിഫിക്കേഷൻ, വയർലെസ് ചാർജിങ് എന്നിവയെല്ലാം ഈ ഫോണിന്റെ പ്രത്യേകതകളാണ്. ലൈവ് മെസേജ് എന്നൊരു ഫീച്ചറും സാംസങ് ഗ്യാലക്‌സി നോട്ട് 8ലൂടെ അവതരിപ്പിക്കുന്നുണ്ട്.