ബംഗളൂരു: കര്‍ണ്ണാടക നിയമസഭാ തെരഞ്ഞെടുപ്പ് പരസ്യ പ്രചാരണത്തിന് ഇന്ന് കലാശക്കൊട്ട്. പരസ്യ പ്രചാരണത്തിന്റെ അവസാനഘട്ട പ്രചാരണത്തിന്റെ ഭാഗമായി ഇന്നലെ പ്രധാനമന്ത്രി നരേന്ദ്രമോദി, ഉത്തര്‍ പ്രദേശ് മുഖ്യമന്ത്രി യോഗി ആദിത്യനാഥ്, കോണ്‍ഗ്രസ് അദ്ധ്യക്ഷന്‍ രാഹുല്‍ ഗാന്ധി എന്നിവരുടെ റാലികള്‍ ഉണ്ടായിരുന്നു.
പ്രധാനമന്ത്രി ബംഗാര പേട്ട്, ചിക്കമംഗലൂര്‍, ബെലഗാവി, ബീദര്‍ എന്നിവടങ്ങളിലായി നാല് റാലികളില്‍ സംസാരിച്ചു. ശിവാജി നഗര്‍ ,ഹെബ്ബല്‍ എന്നിവടങ്ങളിലായിരുന്നു രാഹുലിന്റെ പരിപാടികള്‍. ഈ മാസം 12നാണ് 224 മണ്ഡലങ്ങളിലേക്കുള്ള വോട്ടെടുപ്പ് നടക്കുക.
ഉത്തര്‍ പ്രദേശ് മുഖ്യമന്ത്രി യോഗി ആദിത്യനാഥ് ഹുബാലി, സഹകാര്‍ നഗര്‍ എന്നിവിടങ്ങളില്‍ പ്രവര്‍ത്തകരെ സംബോധന ചെയ്തു. തെരഞ്ഞെടുപ്പ് ഫലം 15 ന് പുറത്ത് വരും.
Post Your Comments