സമൂഹമാധ്യമങ്ങളിൽ സ്ത്രീയായി ആൾമാറാട്ടം നടത്തി യുവാക്കളെ പറ്റിച്ച പ്രതി പിടിയിൽ

അബുദാബി : സമൂഹമാധ്യമങ്ങളിലൂടെ സ്ത്രീയായി ആൾമാറാട്ടം നടത്തി യുവാക്കളെ കബളിപ്പിച്ച പ്രതി പിടിയിൽ. നിരവധി പേർ ഇയാൾക്കെതിരെ പരാതിയുമായി പോലീസിനെ സമീപിച്ചിരുന്നു. തുടർന്ന് പ്രത്യേക അന്വേഷണസംഘം ഒരുക്കിയ കെണിയിൽ പ്രതി കുടുങ്ങുകയായിരുന്നു. 30കാരനായ അറബ് യുവാവാണ് പിടിയിലായത്. ഇയാൾ സമൂഹമാധ്യമങ്ങളിലൂടെ നിരവധി പേരെ പറ്റിക്കുകയും പണം തട്ടുകയും ചെയ്‌തിരുന്നതായി പോലീസ് പറഞ്ഞു.

also read:ക്ഷേത്രപൂജാരി യുവതിയെ പീഡിപ്പിച്ച ശേഷം ദൃശ്യങ്ങൾ സമൂഹമാധ്യമങ്ങളില്‍ പ്രചരിപ്പിച്ചു

പ്രതിയെ കുടുക്കാനായി പോലീസുകാർ ഏറെ നാൾ പണിപ്പെട്ടു. പോലീസുകാരാണ് തന്നെ കാത്തിരിക്കുന്നതെന്ന് അറിയാതെ പറഞ്ഞുറപ്പിച്ച സ്ഥലത്തെത്തുകയും പോലീസ് ഇയാളെ പിടികൂടുകയായിരുന്നു. ഇയാളുടെ പക്കൽ നിന്ന് നിരവധി സ്‍മാർട്ട് ഫോണുകളും സിം കാർഡുകളും പോലീസ് പിടിച്ചെടുത്തു. ഇയാളുടെ കെണിയിൽ കൂടുതൽ പേർ പെട്ടിട്ടുണ്ടോയെന്ന് അന്വേഷിച്ച് വരികയാണെന്ന് പോലീസ് പറഞ്ഞു.