‘സച്ചിനുശേഷം ഒരു താരമുണ്ടെങ്കില്‍ അത് ഇദ്ദേഹമാണ്… ഇദ്ദേഹമാണ്’; ധോണിയുടെ പ്രകടനത്തെ പുകഴ്ത്തി അജു വർഗീസ്

കോഴിക്കോട്: 34 പന്തില്‍ 74 റണ്‍സെടുത്ത ധോണിയുടെയും 53 പന്തില്‍ 82 റണ്‍സെടുത്ത അമ്പാട്ടി റായിഡുവിന്റെയും പ്രകടനത്തിന്റെ പിന്‍ബലത്തില്‍ 5 വിക്കറ്റിനായിരുന്നു ഇന്നലത്തെ മത്സരത്തിൽ ബാംഗ്ലൂർ റോയൽ ചാലഞ്ചേഴ്സിനെതിരെ ചെന്നൈ സൂപ്പർ കിങ്‌സ് വിജയിച്ചത്. ഇതിന് പിന്നാലെ നിരവധി പേരാണ് ധോണിയുടെ പ്രകടനത്തിന് അഭിനന്ദനവുമായി രംഗത്തെത്തിയത്. മലയാളത്തിന്റെ പ്രിയതാരം അജു വര്‍ഗീസും ധോണിയോടുള്ള തന്റെ ആരാധന വ്യക്തമാക്കുകയുണ്ടായി. ഫേസ്ബുക്കിലൂടെയായിരുന്നു അജുവിന്റെ പ്രതികരണം.

Read Also: ‘ഈ’ തട്ടിപ്പില്‍ വാട്‌സാപ്പ് വഴി പണം നഷ്ടമാകാം : മുന്നറിപ്പുമായി അബുദാബി പൊലീസ്

‘സച്ചിനു ശേഷം ആരാണെന്ന് എന്നോട് ചോദിക്കൂ…. അത് എം.സ്.ഡി മാത്രമാണ്, ലോകത്തിലെ മികച്ച ക്യാപ്റ്റനാരെന്ന് എന്നോട് ചോദിക്കൂ… അത് എം.എസ്.ഡി മാത്രമാണ്, ലോകത്തിലെ മികച്ച കീപ്പറാരാണെന്ന് എന്നോട് ചോദിക്കൂ… അത് എം.എസ്.ഡി മാത്രമാണ്.’-ഇതായിരുന്നു അജുവിന്റെ പോസ്റ്റ്.