കാശ്മീരില്‍ എട്ടുവയസുകാരി ക്രൂരപീഡനത്തിന് ഇരയായി കൊല്ലപ്പെട്ട സംഭവത്തില്‍ പ്രതിഷേധിക്കുന്നുവെന്ന് പറഞ്ഞു സോഷ്യല്‍ മീഡിയയില്‍ ആഹ്വാനം ചെയ്യപ്പെട്ട വ്യാജ ഹര്‍ത്താലിന്റെ പേരില്‍ സംസ്ഥാനത്ത് വ്യാപക അതിക്രമങ്ങളാണ് അരങ്ങേറിയത്. തിരുവനന്തപുരം നെടുമങ്ങാട്, കൊല്ലം, മലപ്പുറം, കോഴിക്കോട് തുടങ്ങിയ സ്ഥലങ്ങളില്‍ ബലമായി കടകള്‍ അടപ്പിക്കുകയും വാഹനങ്ങള്‍ തടയുകയും ചെയ്തു. ചിലയിടങ്ങളില്‍ കെ.എസ്.ആര്‍.ടി.സി ബസുകള്‍ക്ക് നേര്‍ക്കും ആക്രമണമുണ്ടായി. ഇത്തരത്തില്‍ നിരവധി ബസുകള്‍ തകര്‍ക്കപ്പെടുകയും ചെയ്തു.
പലയിടത്തും പോലീസും ഹര്‍ത്താല്‍ അനുകൂലികളും തമ്മില്‍ ഏറ്റുമുട്ടി. എന്നാല്‍ ഇതിനിടയില്‍ പോലീസ് തന്നെ വണ്ടി തല്ലിപ്പൊളിക്കുന്നതും വഴിയില്‍ നില്‍ക്കുന്നവരെ തല്ലുന്ന ദൃശ്യങ്ങളും പുറത്തുവന്നു. ഹര്‍ത്താല്‍ അനുകൂലികളെ നേരിടാന്‍ വരുന്ന പോലീസ് വഴിയില്‍ ഇരിക്കുന്ന ഒരു സ്കൂട്ടര്‍ തല്ലിപ്പൊളിക്കുന്നത് സോഷ്യല്‍ മീഡിയയില്‍ ഷെയര്‍ ചെയ്യപ്പെടുന്ന ഒരു വീഡിയോയില്‍ കാണാം. എന്നാല്‍ ഇതെവിടെയാണ് നടന്നതെന്ന് വ്യക്തമല്ല. മറ്റൊരു വീഡിയോയില്‍ വഴിയില്‍ നില്‍ക്കുന്ന നിരപരാധികളെയും പോലീസ് തല്ലിയോടിക്കുന്നത് കാണാം.
Post Your Comments