പുതിയ മാറ്റത്തിന് ഒരുങ്ങി വെബ് ജിമെയിൽ. അധികം വൈകാതെ പുതിയ ചില ഫീച്ചറുകൾ ജിമെയിലിൽ പ്രതീക്ഷിക്കാം. സ്മാര്‍ട്ട് റിപ്ലൈ, സ്‌നൂസ് ഫീച്ചർ എന്നീ മാറ്റങ്ങളാണ് ഗൂഗിൾ കൊണ്ട് വരുന്നത്.
ഇമെയിലുകള്‍ക്കുള്ള മറുപടി നിര്‍ദേശങ്ങള്‍ റിപ്ലൈ ബോക്‌സിന് താഴെയായി ഉണ്ടാകും. ഇതില്‍ ഉചിതമായ നിര്‍ദേശങ്ങള്‍ തെരഞ്ഞെടുക്കാവുന്നതാണ് സ്മാര്‍ട്ട് റിപ്ലൈയുടെ പ്രത്യേകത എങ്കിൽ ഇന്‍ബോക്‌സില്‍ നിന്നും താത്ക്കാലികമായി ഇമെയിലുകള്‍ തടയുന്ന ഫീച്ചറാണ് സ്‌നൂസ്. ഇഷ്ടമില്ലാത്ത സന്ദേശങ്ങൾ ഒഴിവാക്കാൻ ഇത് നിങ്ങളെ സഹായിക്കുന്നു.
കൂടാതെ ഗൂഗിള്‍ കലണ്ടര്‍, കീപ് നോട്ട്, ടാസ്‌കുകള്‍ എന്നിവ ലഭ്യമാക്കാന്‍ ജിമെയില്‍ ഇന്‍ബോക്‌സ് വിന്‍ഡോയുടെ വലതുഭാഗത്തായി പുതിയ സൈഡ് ബാര്‍ നല്‍കിയിട്ടുണ്ട്. ഗൂഗിളിന്റെ ഉപകാരപ്രദമായ ചില സേവനങ്ങളെ ജിമെയിലുമായി ബന്ധിപ്പിക്കുക എന്നതാണ് ഇതിലൂടെ ലക്ഷ്യമാക്കുന്നത്.
വരുംനാളുകളില്‍ മൂന്ന് വ്യത്യസ്ത ലേ ഔട്ടുകളില്‍ ജിമെയില്‍ ലഭ്യമാകും. ഇതില്‍ ഇഷ്ടമുള്ളവ ഉപഭോക്താവിന് തെരഞ്ഞെടുക്കാം. കൂടാതെ ഗൂഗിള്‍ സേവനങ്ങളിലെ അടിമുടി മാറ്റത്തിനു കമ്പനി ഒരുങ്ങുന്നതായും വൈകാതെ ഈ മാറ്റങ്ങളെല്ലാം ജിമെയിലില്‍ വരുമെന്നാണ് റിപ്പോര്‍ട്ട്‌.
Also read ;യാത്രക്കാര്‍ക്ക് എമിറേറ്റ്സിന്റെ മുന്നറിയിപ്പ്
Post Your Comments