കോ​മ​ണ്‍​വെ​ൽ​ത്ത് ഗെ​യിം​സി​ൽ 25ആം സ്വർണ്ണവുമായി ഇന്ത്യ മുന്നോട്ട്

ഗോ​ൾ​ഡ് കോ​സ്റ്റ്: കോ​മ​ണ്‍​വെ​ൽ​ത്ത് ഗെ​യിം​സി​ൽ 25ആം സ്വർണ്ണവുമായി ഇന്ത്യ മുന്നോട്ട്. പുരുഷന്മാരുടെ 75കിലോഗ്രാം ബോക്സിങ് വിഭാഗത്തിൽ വികാസ് കൃഷ്‌ണനാണ് ഇന്ത്യക്കായി 25ആം സ്വർണ്ണം സ്വന്തമാക്കിയത്. കാ​മ​റൂ​ൺ താ​രം ഡി​യൂ​ഡോ​ൺ വി​ൽ​ഫ്ര​ഡ് സെ​യി​യെ 5-0ന് ​പ​രാ​ജ​യ​പ്പെ​ടു​ത്തി​യാ​ണ് ഈ നേട്ടം കൈവരിച്ചത്.

വ​നി​ത​ക​ളു​ടെ 45-48 കി​ലോ ​ബോക്സിങ് വി​ഭാ​ഗ​ത്തിൽ മേ​രി​കോ​മി​ന്‍റെ സ്വ​ർ​ണ്ണ​ത്തോ​ടെ​യാ​യി​രു​ന്നു ഇന്ത്യ ഇന്ന്  സ്വർണ്ണ വേട്ട തുടങ്ങിയത്. ​ നോ​ർ​ത്ത് അ​യ​ർ​ല​ൻ​ഡ് താ​രം ക്രി​സ്റ്റീ​ന ഒ​ക്കു​ഹാ​ര​യെ​യാ​ണ് അ​ഞ്ചു ത​വ​ണ ലോ​ക​ചാ​മ്പ്യ​നാ​യ മേ​രി​കോം പ​രാ​ജ​യ​പ്പെ​ടു​ത്തി​യ​ത്. പി​ന്നാ​ലെ പു​രു​ഷ​ൻ​മാ​രു​ടെ 52 കി​ലോ വി​ഭാ​ഗ​ത്തിൽ ഗൗ​ര​വ് സോ​ള​ങ്കി​ സ്വ​ർ​ണ്ണവും, 49 കി​ലോ വി​ഭാ​ഗ​ത്തി​ൽ അ​മി​ത് പ​ങ്ക​ൽ വെ​ള്ളിയും കരസ്‌ഥമാക്കി.

ഷൂ​ട്ടിം​ഗ് റേ​ഞ്ചി​ൽ​ 50 മീ​റ്റ​ർ റൈ​ഫി​ൾ വി​ഭാ​ഗ​ത്തി​ൽ സ​ഞ്ജീ​വ് രാ​ജ്പു​ത്ത് സ്വ​ർ​ണ്ണം നേ​ടി​യപ്പോൾ അദ്‌ഭുതം സൃഷ്ടിച്ച് കൊണ്ട് ജാ​വ​ലി​ൻ ത്രോ​യി​ൽ ഇ​ന്ത്യ​യു​ടെ നീ​ര​ജ് ചോ​പ്ര സ്വ​ർ​ണ്ണം നേടി.കോ​മ​ണ്‍​വെ​ൽ​ത്ത് അ​ത്‌​ല​റ്റി​ക്സി​ൽ സ്വ​ർ​ണം നേ​ടു​ന്ന നാ​ല​മ​ത്തെ താ​ര​മാ​ണ് നീ​ര​ജ്. വനിത ടേബിള്‍ ടെന്നിസില്‍ ഇന്ത്യയുടെ മാനിക ബാദ്രയും, 50 കിലോ ഫ്രീസ്റ്റൈല്‍ നോര്‍ഡിക്കില്‍ വിനേഷ് ഫൊഗാട്ടും സ്വർണ്ണം സ്വന്തമാക്കി.

ഗുസ്തിയിലേക്ക് പോകുമ്പോൾ പു​രു​ഷ​ന്മാ​രു​ടെ 125 കി​ലോ നോ​ര്‍​ഡി​ക് വി​ഭാ​ഗ​ത്തിൽ സുമിത്ത് സ്വർണ്ണം നേടിയപ്പോൾ വനിതകളുടെ 62 കിലോ ഫ്രീസ്റ്റൈല്‍ നോര്‍ഡിക്കില്‍ ഒളിംപിക്സ് മെഡല്‍ ജേതാവ് സാക്ഷി മാലിക്കിന് വെങ്കലം മെഡൽ നേടാൻ സാധിച്ചൊള്ളു.

Also read ;ബാഡ്മിന്റണ്‍ ഫൈനലില്‍ സിന്ധുവിനെതിരെ സൈന നെഹ്‌വാള്‍