ഓരോ ദിവസവും പുറത്തു വരുന്നത് മനുഷ്യത്വം മരവിപ്പിക്കുന്ന വാര്‍ത്തകളാണ്. എന്നാല്‍ ഇതിനൊക്കെ ഇടയിലും കാരുണ്യം നഷ്ടപ്പെടാത്തവരും ഉണ്ട്. ഇത്തരത്തില്‍ ഒരു വാര്‍ത്തയാണ് ഇപ്പോള്‍ പുറത്തെത്തിയിരിക്കുന്നത്. ജീവനക്കാരന്‍ തന്റെ ഹോട്ടലിലെത്തിയ വൈകല്യമുള്ളയാള്‍ക്ക് ആഹാരം വാരി കൊടുക്കുന്നതിന്റെ വീഡിയോയാണ് വൈറലായിരിക്കുന്നത്.
ബ്രസീലിലെ സാല്‍വഡോറില്‍ നിന്നുമുള്ള വീഡിയോയാണ് ഇത്. ഫേസ്ബുക്കിലാണ് വീഡിയോ പ്രത്യക്ഷപ്പെട്ടത്. സംഭവം കണ്ട ആരോ വീഡിയോ പകര്‍ത്തി ഫേസ്ബുക്കില്‍ അപ്ലോഡ് ചെയ്യുകയായിരുന്നു. കാലിനും കൈകള്‍ക്കും വൈകല്യമുള്ള വ്യക്തിക്കാണ് ഫാസ്റ്റ്ഫുഡ് ജീവനക്കാരന്‍ ആഹാരം സ്പൂണ്‍ ഉപയോഗിച്ച് വാരി കൊടുത്തത്.
ജീവനക്കാരന്റെ പ്രവൃത്തിയെ എല്ലാവരും വാനോളം പുകഴ്ത്തുകയാണ്. നന്മ നഷ്ടപ്പെടാത്തവര്‍ ഇപ്പോഴും ലോകത്തുണ്ടെന്നാണ് പലരും കമന്റ് ചെയ്യുന്നത്.
Post Your Comments