ലിഗയെ രാമേശ്വരത്ത് കണ്ടെന്ന വിവരം തെറ്റ്; കേരളത്തിലെ പ്രസിദ്ധ ക്ഷേത്ര പരിസരത്ത് ഉള്ളതായി സംശയം

പോത്തൻകോട്: ആയുർവേദ ചികിത്സയ്‌ക്കെത്തി കോവളത്ത് നിന്ന് കാണാതായ വിദേശ വനിത ലിഗയെ രാമേശ്വരത്ത് കണ്ടതായുള്ള വിവരം തെറ്റെന്ന് റിപ്പോർട്ട്. ഇവരെ ഓച്ചിറയിൽ കണ്ടതായി ചിലർ വിവരമറിയിച്ചതിനെ തുടർന്ന് പോലീസ് അന്വേഷണം തുടരുകയാണ്. ഇന്നലെ ഉച്ചയോടെയാണ് ലിഗയെ രാമേശ്വരത്ത് കണ്ടതായി വിവരം ലഭിച്ചത്. തുടർന്ന് പ്രത്യേക അന്വേഷണസംഘം തമിഴ്‍നാട്ടിലേക്ക് പോയെങ്കിലും ഇവരെ കണ്ടെത്താനായില്ല.

Read Also: കുട്ടികൾക്ക് നിർബന്ധിത ടിസി നൽകുന്നതിനെതിരെ സി.ബി.എസ്.ഇ

കോവളത്ത് കഴിഞ്ഞ ദിവസം വിനോദസഞ്ചാരത്തിനെത്തിയ ബെൽജിയം സ്വദേശികളായ ദമ്പതികളാണ് ലിഗയെ രാമേശ്വരത്ത് റെയിൽവേ ട്രാക്കിലൂടെ നടന്ന് പോകുന്നതായി കണ്ടെന്ന് മൊഴി നൽകിയത്. ഈ മാസം 14 നാണ് തിരുവനന്തപുരം പോത്തന്‍കോട് ആയുര്‍വേദ കേന്ദ്രത്തില്‍ നിന്ന് ഐറിഷ് സ്വദേശിയായ ലിഗയെ കാണാതായത്. വിഷാദരോഗം പിടിപെട്ടതിനെ തുടര്‍ന്ന് ചികിത്സയ്ക്കായി സഹോദരിയോടൊപ്പം എത്തിയതായിരുന്നു ലിഗ.