ജമ്മു: കശ്മീരിലെ ബന്ദിപൂരില്‍ നിന്നും ലഷ്കര്‍ ഇ ത്വയിബ തീവ്രവാദികള്‍ തട്ടികൊണ്ടുപോയ യുവാവിന്റെ മൃതദേഹം തലയറുത്ത നിലയില്‍കണ്ടെത്തി.. 24 കാരനായ മന്‍സൂര്‍ അഹ്മറിന്റെ വികൃതമാക്കപ്പെട്ട മൃതദേഹമാണ് വീടിന് സമീപമുള്ള തോട്ടത്തില്‍ കണ്ടെത്തിയത്. വ്യാഴാഴ്ച അര്‍ദ്ധരാത്രിയോടെയാണ് മന്‍സൂറിെന്‍റ മൃതദേഹം കണ്ടെത്തിയത്.
ബുധനാഴ്ചയാണ് തീവ്രവാദികള്‍ 24 കാരനായ മന്‍സൂര്‍ അഹ്മറിനെയും പിതാവ് അബ്ദുല്‍ ഗഫാര്‍ ഭട്ടിനെയും തട്ടികൊണ്ടുപോയത്. ഭീകരരില്‍ നിന്നും അബ്ദുള്‍ ഗഫാര്‍ പരിക്കുകയോടെ രക്ഷപ്പെട്ടു. വെടിയേറ്റ് പരിക്കേറ്റ ഇയാള്‍ ആശുപത്രിയിലാണ്. ഹാജിനിലെ വസതിയിലേക്ക് അതിക്രമിച്ചെത്തിയ തീവ്രവാദികള്‍ വീട്ടുകാരെ ആക്രമിച്ച ശേഷം മന്‍സൂറിനെയും അബ്ദുലിനെയും കടത്തി കൊണ്ടുപോവുകയായിരുന്നു.
ഒരാഴ്ചക്കുള്ളില്‍ ഹാജിനില്‍ നിന്ന് യുവാക്കളെ തട്ടികൊണ്ടുപോയി കൊലപ്പെടുത്തിയ രണ്ടാമത്തെ സംഭവമാണിത്. തിങ്കളാഴ്ച ഇതേ പ്രദേശത്തു നിന്നും കടത്തികൊണ്ടുപോയ മുംതാസിര്‍ എന്ന യുവാവും കൊല്ലപ്പെട്ടിരുന്നു.
Post Your Comments