ന്യൂഡല്‍ഹി: ഒൻപതാം ക്ലാസ് വിദ്യാർത്ഥിനി ഓടുന്ന ട്രെയിനില്‍ പീഡനത്തിനിരയായി. ഡല്‍ഹി- സഹാരന്‍പൂര്‍ പാസഞ്ചര്‍ ട്രെയിനില്‍ കഴിഞ്ഞ ദിവസമാണ് സംഭവം നടന്നത്. ലേഡീസ് കമ്പാർട്ട്മെന്റിൽ യാത്ര ചെയ്യുകയായിരുന്ന ഒന്‍പതാം ക്ലാസ് വിദ്യാര്‍ത്ഥിനിയെമൂന്നു പേരടങ്ങിയ സംഘമാണ് ക്രൂരമായി പീഡിപ്പിച്ചത്.
കോച്ചില്‍ പെണ്‍കുട്ടി ഒറ്റയ്ക്കാണെന്ന് കണ്ടതോടെ സംഘം ശല്യപ്പെടുത്തുകയും അക്രമിക്കുകയുമായിരുന്നു. തിരിച്ച് വീട്ടിലെത്തിയ പെണ്‍കുട്ടി ബന്ധുക്കളോട് സംഭവം പറയുകയും പിതാവ് പോലീസിൽ പരാതിപ്പെടുകയുമായിരുന്നു. സംഭവത്തില്‍ ഒരാളെ പോലീസ് അറസ്റ്റ് ചെയ്തിട്ടുണ്ട്. രണ്ടു പേര്‍ കൂടി ഉടന്‍ പിടിയിലാകുമെന്ന് പൊലീസ് അറിയിച്ചു. പ്രതികള്‍ക്കെതിരെ പോക്സോ നിയമപ്രകാരമാണ് കേസെടുത്തിരിക്കുന്നത്.
Post Your Comments