അബുദാബി: അല് അയിന് റോഡിലൂടെ കാറില് സ്റ്റണ്ട് ഡ്രൈവിംഗ് നടത്തി ദൃശ്യങ്ങള് സോഷ്യല് മീഡിയയില് പ്രചരിപ്പിച്ച യുവാക്കള്ക്ക് മുട്ടന് പണി കിട്ടി. അബുദാബി പോലീസിന്റെ സോഷ്യല് മീഡിയ യൂണിറ്റ് ഇവര്ക്കെതിരെ അറസ്റ്റ് വാറന്റ് പൊറപ്പെടുവിച്ചു.
രാത്രി വൈകി മൂന്ന് യുവാക്കളാണ് റോഡില് സ്റ്റണ്ട് നടത്തിയത്. നാലാമന് ഈ സ്റ്റണ്ടിന്റെ വീഡിയോ റെക്കോര്ഡ് ചെയ്യുകയായിരുന്നു. ഇവരുടെ ഡ്രൈവിംഗ് വീഡിയോ സോഷ്യല് മീഡിയയിലും വൈറലായി. ഇതോടെ സംഭവം പോലീസ് ശ്രദ്ധയിലും പെട്ടു. തുടര്ന്നാണ് നാല് പേരെയും അറസ്റ്റ് ചെയ്യാന് അബുദാബി പോലീസ് സോഷ്യല് മീഡിയ യൂണിറ്റ് ഉത്തരവിട്ടത്.
ട്രാഫ്ക് നിയമ ലംഘനം, അപകട ഡ്രൈവിംഗ് തുടങ്ങി വിവിധ കേസുകള് ഇവരുടെ മേല് ചുമത്തിയിട്ടുണ്ടെന്നാണ് വിവരം.
Post Your Comments