ആപ്പിലൂടെ ടിക്കറ്റ് ബുക്ക് ചെയ്യുന്നവർക്ക് ഇളവ് പ്രഖ്യാപിച്ച് ദുബായിലെ പ്രമുഖ വിമാന കമ്പനി

ദുബായ് ; അടുത്തിടെ പുറത്തിറക്കിയ ഔദ്യോഗിക ആപ്പിലൂടെ ടിക്കറ്റ് ബുക്ക് ചെയ്യുന്നവർക്ക് ഇളവ് പ്രഖ്യാപിച്ച് ദുബായിലെ പ്രമുഖ ബജറ്റ് എയർലൈനായ ഫ്ലൈ ദുബായ്. മാർച്ച് 31 അർദ്ധ രാത്രി വരെ ആപ്പിലൂടെ ബിസിനസ്,എക്കണോമിക് ക്ലാസ് ടിക്കറ്റ് ബുക്ക് ചെയ്യുന്നവർക്ക് പത്തു ശതമാനം ഇളവായിരിക്കും ലഭിക്കുക. കൂടാതെ യുഎഇ റെസിഡൻസി വിസ ഉള്ളവർക്ക് വിസ ഇല്ലാതെ സഞ്ചരിക്കാൻ കഴിയുന്ന അഞ്ചു രാജ്യങ്ങളിലേക്കുള്ള ടിക്കറ്റുകൾക്കു കൂടുതൽ ഇളവുകൾ ഈ കാലയളവിൽ ആപ്പിലൂടെ കമ്പനി വാഗ്‌ദാനം ചെയുന്നു.

കമ്പനിയുടെ വ്യാജ ആപ്പ് ഉണ്ടെന്ന പരാതിയെ തുടർന്നാണ് ഔദ്യോഗിക ആപ്പ് ഫ്ലൈ ദുബായ് പുറത്തിറക്കിയത്. ആൻഡ്രോയിഡ്, ഐഓഎസിൽ ഒരു പോലെ ലഭ്യമായ ആപ്പിൽ ടിക്കറ്റ് ബുക്കിങ്ങിനു പുറമെ, ടിക്കറ്റ് മാനേജിങ്, ന്യൂ അപ്ഡേറ്സ് എന്നീ സൗകര്യങ്ങളും ലഭ്യമാക്കിയിട്ടുണ്ട്.

Also read ;എയർ ഇന്ത്യയുടെ പുതിയ സർവീസ് പാരയാകുന്നുവെന്ന് ഇസ്രായേൽ വിമാനക്കമ്പനി