തിരുവനന്തപുരം: വാഹനമിടിച്ച്‌ പരിക്കേറ്റ് റോഡില്‍ വീണ വൃദ്ധയെ തിരിഞ്ഞ് നോക്കാതെ ജനങ്ങള്‍. തിരുവനന്തപുരം ജില്ലയിലെ തിരക്കേറിയ റോഡിലാണ് സംഭവമുണ്ടായത്. ഇതിെന്‍റ സി.സി.ടി.വി ദൃശ്യങ്ങള്‍ പ്രചരിച്ചതോടെയാണ് ഞെട്ടിപ്പിക്കുന്ന സംഭവം പുറംലോകമറിഞ്ഞത്. ഇന്നലെ രാവിലെയാണ് കടയ്ക്കാവൂരിൽ ഫിലോമിനയെന്ന സ്ത്രീയെ ബൈക്ക് ഇടിച്ചു തെറിപ്പിച്ചത്. ബൈക്കോടിച്ച ആറ്റിങ്ങൽ സ്വദേശി അരുൺ കസ്റ്റഡിയിലായി.
പരിക്കേറ്റ് റോഡിന് നടുവിലാണ് വൃദ്ധ കിടന്നിരുന്നത്. ഇവര്‍ക്കരികിലുടെ നിരവധി വാഹനങ്ങള്‍ കടന്നുപോയെങ്കിലും ആരും വാഹനം നിര്‍ത്താനോ സഹായിക്കാനോ തയാറായില്ല. ആ സമയത്ത് റോഡിലുടെ പോയ പൊലീസുകാരാണ് ഒടുവില്‍ വൃദ്ധയെ ആശുപത്രിയില്‍ എത്തിച്ചത്. അപകടത്തെ കുറിച്ച്‌ തങ്ങള്‍ അറിഞ്ഞിരുന്നില്ലെന്നും അതുവഴി പോവുമ്പോള്‍ ആള്‍ക്കൂട്ടം കണ്ട് വാഹനം നിര്‍ത്തി സംഭവത്തില്‍ ഇടപെടുകയായിരുന്നുവെന്നും പൊലീസ് അറിയിച്ചു.
മല്‍സ്യ വില്‍പനക്കാരിയായ വൃദ്ധ ഇപ്പോള്‍ മെഡിക്കല്‍ കോളജ് ആശുപത്രിയില്‍ ചികില്‍സയിലാണ്. പൊലീസ് വാഹനം വന്നതിനു ശേഷമാണ് സ്ത്രീയെ ഓട്ടോയിൽ ആശുപത്രിയില്‍ എത്തിച്ചത്. അപകടത്തിന്‍റെ സിസിടിവി ദൃശ്യങ്ങൾ കാണാം :
#WATCH Kadakkavoor:A 65-year-old woman hit by a vehicle kept lying injured on a busy road for several minutes, was later taken to hospital in a Police car. The accused driver has been arrested #Kerala (video source: unverified) pic.twitter.com/WAr719Wr7P
— ANI (@ANI) March 28, 2018
Post Your Comments