ഷാർജയിലുണ്ടായ വാഹനാപകടത്തിൽ യുവാവിന് ദാരുണാന്ത്യം

ഷാർജ ; അമിത വേഗതയിൽ എത്തിയ കാർ നിയന്ത്രണം വിട്ട് മറിഞ്ഞ്‌ യുവാവ് മരിച്ചു. ചൊവ്വാഴ്ച രാവിലെ ഏകദേശം എട്ടരയോടെ മലിഹ റോഡിൽ ഉണ്ടായ അപകടത്തിൽ 28കാരനായ സ്വദേശി യുവാവാണ് മരിച്ചത്.

അൽദൈദിൽ നിന്നും ഷാർജയിലേക്ക് യുവാവ് അമിത വേഗതയിലാണ് കാർ ഓടിച്ചിരുന്നതെന്നു ട്രാഫിക് ആന്റ് പട്രോൾ ഡിപ്പാർട്ട്മെന്റ് ഡയറക്ടർ ലെഫ്റ്റനന്റ് കേണൽ മുഹമ്മദ് അലായി അൽ നഖ്ബി പറയുന്നു. നിയന്ത്രണം വിട്ട കാർ ഒന്നിലേറെ തവണ മറിഞ്ഞ്‌ റോഡിൻറെ എതിർ ഭാഗത്താണ് ഇടിച്ച് നിന്നത്. ഒപ്പമുണ്ടായിരുന്ന യുവാവ് പരിക്കുകളോടെ രക്ഷപെട്ടെന്നും പ്രാഥമിക പരിശോധയിൽ മരണപ്പെട്ട യുവാവ് സീറ്റ് ബെൽറ്റ് ധരിച്ചിരുന്നില്ലെന്നു കണ്ടെത്തിയതായും മുഹമ്മദ് അലായി പറഞ്ഞു.

കൂടാതെ റോഡ് നിയമങ്ങൾ പാലിച്ച് മാത്രമേ വാഹനങ്ങൾ ഓടിക്കാവു എന്ന മുന്നറിയിപ്പും അദ്ദേഹം നൽകി.അതേസമയം മരിച്ച യുവാവിനെ കുറിച്ചുള്ള വിവരങ്ങൾ ലഭ്യമല്ല.

Also read ;ദുബായില്‍ കോടിപതിയായി മലയാളി ഇലക്ട്രീഷ്യന്‍ യുവാവ്