കുവൈറ്റിൽ നിന്ന് കോഴിക്കോട്ടേയ്ക്ക് പ്രതിദിന സർവീസുമായി ഗൾഫ് എയർ

കുവൈറ്റ്: കുവൈറ്റിൽ നിന്ന് കോഴിക്കോട്ടേയ്ക്ക് പ്രതിദിന സർവീസുമായി ഗൾഫ് എയർ. ജൂൺ പതിനഞ്ച് മുതലാണ് സർവീസ് ആരംഭിക്കുക. കുവൈറ്റ് -ബഹ്റൈന്‍ കോഴിക്കോട് റൂട്ടിൽ രണ്ടു സർവീസുകളും തിരിച്ച് ഒരു സർവീസുമാണ് ഷെഡ്യൂൾ ചെയ്തിരിക്കുന്നത്.

also read:കുവൈറ്റിൽ ജോലി തേടുന്നവർ ഈ രോഗം ഇല്ലെന്ന് ഉറപ്പുവരുത്തുക

എല്ലാ സർവീസുകളും ബഹ്‌റൈൻ വഴിയാണ് ക്രമീകരിച്ചിട്ടുള്ളത്. കുവൈറ്റിൽ നിന്ന് വൈകുന്നേരം മൂന്നു മണിക്ക്​ പുറപ്പെട്ട്​ പുലർച്ചെ നാലു മണിക്ക്​ കോഴിക്കോട് എത്തുന്നതാണ്​ ആദ്യ സർവീസ്​. രണ്ടാമത്തെ സർവീസ്​ കുവൈറ്റിൽ നിന്ന്​ വൈകീട്ട്​ 6.20ന്​ പുറപ്പെട്ട്​ പുലർച്ചെ നാലു മണിക്ക്​ എത്തും.കോഴിക്കോട് നിന്ന്​ കുവൈറ്റിലേക്കുള്ള വിമാനം ദിവസവും ​പുലർച്ചെ 4.50ന്​ പുറപ്പെട്ട്​ രാവിലെ 10.40ന്​ ലക്ഷ്യസ്ഥാനത്തെത്തും. 46 കിലോ ബാഗേജും ഏഴു കിലോ ഹാൻഡ്​ ബാഗും അനുവദിക്കും. കോഴിക്കോട്ടേക്ക്​ കുവൈറ്റിൽ നിന്ന്​ പുതിയ പ്രതിദിന സർവീസ്​ ആരംഭിക്കുന്നത്​ മലബാറിൽ നിന്നുള്ള യാത്രക്കാർക്കാകും ഏറെ പ്രയോജനപ്പെടുക.